പറയാതെയറിയുന്ന അനുരാഗം [സ്പൾബർ] 1143

✍️.. രാവിലെ സുരേഷ് ജോലിക്ക് പോയിക്കഴിഞ്ഞാൽ പണിയെല്ലാം തീർത്ത് നീരജ, പ്രസന്നയെ കാണാൻ വരും.. അവരിപ്പോ നല്ല കൂട്ടുകാരാണ്.. നീരജ അവളുടെ കാര്യങ്ങൾ കുറച്ചൊക്കെ പ്രസന്നയോട് പറയും…

സുരേഷും നീരജയും പ്രേമിച്ച് കെട്ടിയതാണ്.. അവരുടെ നാട്ടിലെ വലിയ കുടുംബമാണ് നീരജയുടെ .. സുരേഷ് വളരെ പാവപ്പെട്ട കുടുംബത്തിലുള്ളതും..എന്നിട്ടും നീരജയുടെ പിടിവാശിയിലാണ് കല്യാണം നടന്നത്.. അതോടെ അവളുടെ വീട്ടുകാരുമായി വലിയ അടുപ്പമൊന്നുമില്ല.. രണ്ട് വർഷമായി കല്യാണം കഴിഞ്ഞിട്ട്.. ഇപ്പോൾ നീരജക്ക് ഇരുപത്തേഴ് വയസായി.. കുഞ്ഞിന് ഒരു വയസും..

നീരജയെ കെട്ടി വീട്ടിലാക്കിയിട്ട് സുരേഷ് ഇങ്ങോട്ട് പണിക്ക് പോന്നതാണ്.. മൂന്നാല് മാസം കൂടുമ്പോഴാണവൻ വീട്ടിലേക്ക് പോവുന്നത്.. അവന്റെ വീട്ടിൽ നീരജക്ക് വലിയ സുഖമൊന്നുമില്ല.. മകനെ വശത്താക്കിയ മരുമോളോട് അമ്മായമ്മ കലിപ്പിലാണ്.. നീരജക്കാണേൽ അവളുടെ വീട്ടിലേക്കും പോവാൻ പറ്റില്ല.. ഇനി തനിക്കിവിടെ നിൽക്കാനാവില്ലെന്ന് നീരജ തീർത്ത് പറഞ്ഞത് കൊണ്ടാണ് സുരേഷവളെ ഇങ്ങോട്ട് കൊണ്ടുവന്നത്.. അവന് വലിയ താൽപര്യമൊന്നുമുണ്ടായിരുന്നില്ല..

കുറച്ച് ദിവസങ്ങൾ കൊണ്ട് തന്നെ പ്രസന്നക്കൊരു കാര്യം മനസിലായി.. നീരജയും, സുരേഷും ഒട്ടും സ്നേഹത്തിലല്ല.. അവനെ കല്യാണം കഴിച്ചത് അബദ്ധമായിപ്പോയി എന്ന് നീരജ തുറന്ന് പറഞ്ഞില്ലെങ്കിലും അവളുടെ ചില വാക്കുകളിൽ നിന്നെങ്കിലും പ്രസന്നയത് പിടിച്ചെടുത്തു..

“ സുരേഷ് നിന്നെ ശരിക്ക് നോക്കാറില്ലേ നീരൂ… ?”..