പറയാതെയറിയുന്ന അനുരാഗം [സ്പൾബർ] 1143

വീണ്ടും ഒരു സിഗററ്റ് കത്തിച്ച് സിറ്റൗട്ടിലേക്കിറങ്ങി..

ഉറക്കാത്ത ചുവടുകളുമായി ഒരുത്തൻ നീരജയുടെ വീട്ടിലേക്ക് വരുന്നത് കണ്ട് ഗംഗ ജാഗരൂഗനായി.. അവൻ വെളിച്ചത്തിലേക്ക് എത്തിയപ്പോഴാണ് അത് സുരേഷാണെന്ന് മനസിലായത്..

ഇവനൊരു മൈരൻ തന്നെ.. അവൾക്കിഷ്ടമല്ല എന്ന് പലതവണ പറഞ്ഞിട്ടും അവൻ കുടിച്ച് നാല് കാലിൽ വന്നിരുക്കുന്നു.. അവന്റെ സ്ഥാനത്ത് താനായിരുന്നെങ്കിൽ അവൾ പറയുന്നതിനപ്പുറം പോവാതെ, ഒരടിമയെപ്പോലെ അവളുടെ കാൽ ചുവട്ടിൽ കിടന്നേനെ…

ഗംഗ, നീരജയുടെ വീട്ടിലേക്ക് തന്നെ നോക്കി.. മുൻവാതിൽ തുറക്കുന്നതും, സുരേഷ് അകത്തേക്ക് കയറുന്നതും, പുറത്തെ ലൈറ്റ് ഓഫാകുന്നതും അവൻ കണ്ടു..

ഇപ്പോ നന്നായിട്ട് തലക്ക് പിടിച്ചിരുക്കുന്നു.. ഒറ്റയടിക്ക് മൂന്ന് പെഗ്ഗാണ്ചെലുത്തിയത്.. ഇനി എന്തേലും കഴിക്കാമെന്നോർത്ത് അകത്തേക്ക് കയറാനൊരുങ്ങിയ ഗംഗ അവിടെത്തന്നെ നിന്നു.. നീരജയുടെ വീട്ടിൽ നിന്ന് ഉറക്കെയുള്ള സംസാരം കേൾക്കുന്നു..അവൻ ചെവി കൂർപ്പിച്ചു.. ഒന്നും വ്യക്തമാകുന്നില്ലെങ്കിലും അവര് തമ്മിൽ കലഹിക്കുകയാണെന്ന് അവന് മനസിലായി..ആ  മാലാഖപ്പെണ്ണിനെ സങ്കടപ്പെടുത്തുന്ന മൈരനെ എടുത്തിട്ട് ചവിട്ടിക്കൂട്ടാനാണ് ഗംഗക്ക് തോന്നിയത്..

‘അവർ തമ്മിലുള്ള സൗന്ദര്യപ്പിണക്കം അവര് തീർത്തോളും, നമ്മളിടപെട്ടാ ചിലപ്പോ വഷളാകും ,..

പ്രസന്ന പറഞ്ഞത് ഗംഗയുടെ ഓർമ്മയിലുണ്ടായിരുന്നു.. അത് കൊണ്ട് അത് ശ്രദ്ധിക്കണ്ടാന്നാണ് ഗംഗ തീരുമാനിച്ചത്..പക്ഷേ അവന്റെ കാലുകൾ ചലിച്ചത് നീരജയുടെ വീടിന് നേർക്കാണ്.. മദ്യലഹരിയിൽ താനെന്താണ് ചെയ്യുന്നതെന്ന് അവന് തന്നെ അറിയില്ലായിരുന്നു..