പറയാതെയറിയുന്ന അനുരാഗം [സ്പൾബർ] 1143

മറ്റൊരാളുടെ കൂടെ പണിക്കാരനായിട്ടാണ് വന്നതെങ്കിലും ഇപ്പോൾ അവൻ തനിച്ച് വർക്കെടുക്കുന്നുണ്ട്… എട്ട് പത്ത് പണിക്കാരുമുണ്ട്..

കുറച്ചപ്പുറെ ഒരു വാടക വീടെടുത്ത് അവിടെയാണ് പണിക്കാരും സുരേഷും താമസം..

കഴിഞ്ഞയാഴ്ചയാണ് അവൻ ഗംഗാധരനോട് ഒരു കാര്യം പറഞ്ഞത്..വേറെ നല്ലൊരു വാടക വീട് കിട്ടുകയാണെങ്കിൽ ഭാര്യയേയും കുഞ്ഞിനേയും ഇങ്ങോട്ട് കൊണ്ടുവരണം.. അവിടെ പണിക്കാരൊക്കെ  ഉളളത് കൊണ്ട് ആ വീട് പറ്റില്ല.. മുപ്പത്തിരണ്ട് വയസുള്ള സുരേഷിന് ഭാര്യയും രണ്ട് വയസായ ഒരാൺകുട്ടിയുമുണ്ട്.. ഭാര്യയെ കൊണ്ടുവരാൻ അവന് വലിയ താൽപര്യമില്ലെങ്കിലും അവൾക്കിങ്ങോട്ട് പോന്നേ പറ്റൂ എന്ന വാശിയിലാണ്..

ഇപ്പോൾ ഗംഗയുടെ വീടിനടുത്ത് നല്ലൊരു വാടക വീട് ഒഴിഞ്ഞിട്ടുണ്ട്..എല്ലാ സൗകര്യങ്ങളുമുള്ള ടെറസിന്റെ വീട് തന്നെയാണ്.. അവർ നല്ല ഫാമിലിക്ക് മാത്രേ കൊടുക്കൂ..ഇതിപ്പോ ഗംഗയുടെ ഗ്യാരണ്ടിയിലാണ് സുരേഷിന് കൊടുക്കാം എന്ന് സമ്മതിച്ചത്..

വീടൊക്കെ സെറ്റാക്കി സുരേഷ് ഭാര്യയെ കൊണ്ടുവരാനായി കൊല്ലത്തിന് പോയിരിക്കുകയാണ്.. ഇന്ന് വൈകുന്നേരത്തോടെ എത്താം എന്നാണവൻ പറഞ്ഞത്.. സുരേഷിനെ പ്രസന്നക്കുമറിയാം.. അത് കൊണ്ട് തന്നെ അയലോക്കത്ത് പുതിയതായി താമസത്തിനെത്തുന്ന അവർക്ക് വേണ്ടി ബിരിയാണിയൊക്കെ ഉണ്ടാക്കി കാത്തിരിക്കുകയാണ് പ്രസന്ന..

പക്ഷേ, പത്ത് മണിക്ക് ഗംഗ കടയടച്ച് വന്നിട്ടും സുരേഷും ഭാര്യയും എത്തിയില്ല…

“ അവരിത് വരെ എത്തിയില്ലേ

മാളൂ … ?”..

പ്രസന്നയെ സ്നേഹത്തോടെ മാളൂന്നാണ് ഗംഗ വിളിക്കാറ്.. ഗംഗയെന്നല്ല കുടുംബത്തിലൊക്കെ അവൾ മാളുവാണ്…