പാരിജാതം 1 [Rudra] 355

പോലീസ് കാര് പറഞ്ഞതൊക്കെ വീണ്ടും വീണ്ടും മനസ്സിലേക്ക് ഓടി വന്നു..

അവർ പറയുന്നതും ശരിയാണ് കൂടെ ഉണ്ടായിരുന്ന കൂട്ടുകാരൊക്കെ കല്ല്യാണം കഴിഞ്ഞ് പിള്ളേരുമായി..

എല്ലവന്മാർക്കും പ്രണയമുണ്ടായിരുന്നു.. ഞാൻ തന്നെ മുന്നിട്ടു നിന്ന് പലരുടെയും കല്ല്യാണം നടത്തിക്കൊടുത്ത്..

കുടുംബവും പ്രാരാബ്ധവുമൊക്കെയായിട്ടു എല്ലാവരും കുടുംബങ്ങളിലേക്ക് ഒതുങ്ങിയപ്പോൾ ഞാൻ വീണ്ടും ഒറ്റപ്പെട്ടോ എന്നൊരു ചിന്ത മനസ്സിൽ ഭാരമായി തങ്ങി നിന്നു..

അതെ സത്യം അതാണ്, ഞാൻ ശരിക്കും ഒറ്റപ്പെട്ടിരിക്കുന്നു..

അന്നത്തെ കൗമാരക്കാരൻ്റെ പ്രതീക്ഷയറ്റ കണ്ണുകൾ ഞാൻ വീണ്ടും മങ്ങലേറ്റ കണ്ണാടിയിൽ കണ്ടു.. എനിക്ക് വേണ്ടി ജീവിക്കാൻ ഞാൻ മറന്നു പോയിരിക്കുന്നു..

എനിക്ക് വേണ്ടി കാത്തിരിക്കാൻ ആരുമില്ലല്ലോ എന്ന ചിന്ത ശരിക്കും ഞാൻ എന്താണെന്ന് എന്നെ തന്നെ ഓർമിപ്പിച്ചു..

ഉപേക്ഷിക്കും പോലെ ഇറങ്ങി പോയ പെങ്ങളും അളിയനും വീട് കൂടി ഭാഗം വെക്കണം എന്ന് പറഞ്ഞു പണ്ട് ഞാൻ ജയിലിൽ നിന്നും ഇറങ്ങിയ സമയത്ത് വന്നിരുന്നു..

അന്ന് വരെ ജാസറിനെ മാത്രം കണ്ടിരുന്ന അളിയൻ കാലൻ ജാസറിനെയും കണ്ടു,, അന്നെൻ്റെ കയ്യിൽ നിന്നും കഷ്ടിച്ച് രക്ഷപ്പെട്ടു ഓടിയ അളിയൻ അതിനു ശേഷം പിന്നെ ഒന്നിലും അവകാശം ചോദിച്ചു വന്നിട്ടില്ല..

ആരോടൊക്കെയോ ഉള്ള വൈരാഗ്യം തീർക്കും പോലെ ജീവിച്ച എനിക്ക് പ്രണയിക്കാനൊന്നും തോന്നിയില്ലല്ലോ എന്ന് കരുതി ഞാൻ ഖേദിച്ചു..

ഇനി ഇന്നത്തെ ദിവസം ഉറക്കം വരില്ലെന്നു ജാസിർ ന് ഉറപ്പായി.. ഇങ്ങനെ ഉറക്കം വരാതെ കിടക്കുമ്പോൾ മാത്രം മനസ്സിൽ മുള പൊട്ടുന്ന കാമധരണികൾ അവൻ്റെയുള്ളിലും ഉണ്ട്..