“നീയാണല്ലേ അഗസ്റ്റോ, ജോൺ പറഞ്ഞുവിട്ട ആളല്ലേ? ”
ക്രിസ്റ്റോഫർ ചോദിച്ചു
“അതേ, ഇന്ന് വരാൻ പറഞ്ഞിരുന്നു ”
“വെൽക്കം മി. അഗസ്റ്റോ ഇത് ഒരു പ്രഫഷണൽ ഫോട്ടോഗ്രാഫർസ് അടങ്ങിയിട്ടുള്ള സ്ഥാപനം ആണ്. ഇവിടത്തെ റൂൾസ്‌ ആൻഡ് റെഗുലേഷൻസ് കാതറിൻ പറഞ്ഞുതരും. അതെല്ലാം പാലിച്ചാൽ മാത്രമേ ഇവിടെ നിങ്ങൾക് സ്ഥാനം ഉണ്ടാവുകയുള്ളൂ. അല്ലെങ്കിൽ പടിയ്ക്ക് പുറത്ത്. എനിവേ ഐ ട്രസ്റ്റ്‌ യു ”
അയാൾ പറഞ്ഞു.
“സർ, ഐ വിൽ ട്രൈ മൈ ബെസ്റ്റ് ആൻഡ് വിൽ ഗിവ് മൈ ബെസ്റ്റ് ഫോർ ദിസ്‌ കമ്പനി ”
അഗസ്റ്റോ ആത്മവിശ്വാസം പ്രകടിപ്പിച്ചു.
മാനേജരെ കണ്ടതിനുശേഷം അവൻ അസിസ്റ്റന്റ് മാനേജർ ആയ കാതറിനെ കണ്ടു കാര്യങ്ങൾ കൂടുതൽ മനസിലാക്കി, അഗസ്റ്റോയ്ക്ക് കൊടുത്തിട്ടുള്ള വർക്ക് മാഗസിന് വേണ്ടി പ്രവർത്തിക്കുക എന്നതായിരുന്നു. പ്രായം 34 ആണെങ്കിലും 28 ഇന്റെ അഴക് ആണ് കാതറിന് . ഐലിനെയർ പുരണ്ട കണ്ണുകളും, ലിപ്സ്റ്റിക്ക് പുരട്ടിയ ചുണ്ടുകളും അവളെ സുന്ദരിയാക്കി. അവളുടെ വടിവൊത്ത ശരീരഭംഗി മനസ്സറിഞ്ഞു ആസ്വദിച്ചവരുടെ കൂട്ടത്തിൽ മാനേജർ ക്രിസ്റ്റോഫർ ഉണ്ടെന്നുള്ളത് പരക്കെയുള്ള വർത്തമാനമായിരുന്നു.
അഗസ്റ്റോ മറ്റു ക്രൂ മെമ്പേഴ്സിനെ പരിചയപ്പെട്ടു. അവരെല്ലാം അവനെ കയ്യടിയോടെ സ്വാഗതം ചെയ്തു.താൻ ആണ് പ്രായത്തിൽ ഏറ്റവും ഇളയവൻ എന്ന് അവൻ മനസിലാക്കി. കാതെറിൻ പറഞ്ഞുവിട്ട ഒരു സ്റ്റാഫ്‌ ഗേൾ അഗസ്തോയെ സമീപിച്ചു. ഒരു ഫയൽ അവളുടെ കയ്യിൽ ഉണ്ടായിരുന്നു, അത് അഗസ്റ്റോയ്ക്ക് കൈമാറി.അവനെ പരിചയപ്പെട്ടശേഷം എല്ലാവരും അവരുടേതായ വർക്കിലേക്ക് കടന്നു. അഗസ്റ്റോ ഫയൽ തുറന്ന് നോക്കി.
