പാത്തൂന്റെ പുന്നാര കാക്കു 6 [അഫ്സൽ അലി] 421

“എന്താടാ? എന്ത് പറ്റി?”

“ഡാ… പാത്തു… ഞങ്ങളിപ്പോ ഹോസ്പിറ്റലിൽ ആടാ…”

“എന്ത് പറ്റി? പെയ്ൻ വന്നോ? ഡേറ്റ് ആയില്ലല്ലോ…”

അഫ്സൽ അവനോട് കാര്യങ്ങൾ വിശദീകരിച്ചു.

“ഡാ… അർജെന്റ് ആയിട്ട് ബി പോസിറ്റീവ് ബ്ലഡ് വേണം. ആരെയെങ്കിലും കൂട്ടി ഒന്ന് വേഗം വാ നീ.”

“ഡാ ഞാൻ നോക്കീട്ട് പെട്ടെന്ന് അങ്ങോട്ട് വരാം. നീ ടെൻഷൻ അടിക്കല്ലേ. ഞാൻ പെട്ടെന്ന് എത്താം…”

നിയാസിന്റെ മുഖത്തെ ടെൻഷനും വെപ്രാളവും ശ്രദ്ധിച്ച അമ്മയും മോളും അവൻ കാൾ വച്ചതും എന്ത് പറ്റിയെന്നു ഒരേ സ്വരത്തിൽ ചോദിച്ചു.

“നമ്മുടെ അഫ്സലിന്റെ പെണ്ണ് ഹോസ്പിറ്റലിൽ ആണ്.”

“അയ്യോ… ഇത്തക്ക് എന്ത് പറ്റി?”

അവൻ അവരോട് കാര്യങ്ങൾ വിശദീകരിക്കുമ്പോൾ രണ്ട് പേരും ഞെട്ടലോടെ കേട്ടിരുന്നു.

“മോനെ… എന്റെ ബ്ലഡ് ഗ്രൂപ്പ് ബി പോസിറ്റീവ് ആണ്. മോൻ പെട്ടെന്ന് റെഡി ആവു. നമുക്ക് ഇപ്പോ തന്നെ പോവാം.”

“ഇക്കാ… ഞാനും വരുന്നു…”

മൂന്ന് പേരും പെട്ടെന്ന് തന്നെ ഡ്രസ്സ് മാറി അഫ്സലിനെ വിളിച്ചു ആളെ കിട്ടിയ കാര്യം പറഞ്ഞു ഹോസ്പിറ്റലിലേക്ക് തിരിച്ചു.

സിനി റൂമിൽ നിന്ന് ഇറങ്ങി ലേബർ റൂമിനു വെളിയിൽ നിൽക്കുന്ന അഫ്സലിന്റെ അടുത്തേക്ക് ചെന്നു.

“അഫ്സൂ…”

സിനിയെ കണ്ടതും പൊട്ടിക്കരഞ്ഞു കൊണ്ട് അവൻ അവളുടെ മേലേക്ക് ചാഞ്ഞു. അവന്റെ പുറകിൽ കൈകൾ വച്ചു അവനെ ചേർത്ത് പിടിച്ചു സിനി. അവളുടെ കൈകൾ അവനെ തലോടിക്കൊണ്ടിരുന്നു.

“ഡാ കരയല്ലേ നീ… നീയിങ്ങനെ കരയുന്നത് കണ്ടാൽ പാത്തൂന്റെ അവസ്ഥ എന്താവും? നീ വാ ഇവിടെ ഇരിക്ക്.”

അഫ്സലിനെ കസേരയിലേക്ക് ഇരുത്തി അവൾ അവനും ബിനിലക്കും നടുവിലായി ഇരുന്നു.