പാവക്കൂത്ത്‌ 2 [MK] 1231

അയാൾ കാട്ടിക്കൊടുത്ത രീതി പകർത്തി മാനസി ശ്രമിച്ചെങ്കിലും അത് ഫലവത്തായില്ല,,, രണ്ടു കൊള്ളികൾക്കിടയിലായി ഭക്ഷണം ഇറുക്കിപ്പിടിച്ചു ഉയർത്താൻ സാധിച്ചുവെങ്കിലും തൻ്റെ വായിക്കകത്തേക്കു ഇടുന്നതിനു മുന്നേ അത് വീണ്ടും ആ പ്ലേറ്റിലേക്കു തന്നെ തെന്നി വീഴും,,,

ഈ പ്രക്രിയ രണ്ടു മൂന്നു തവണ ആവർത്തിച്ചതും മാനസി നിസ്സഹായതയോടെ ദത്തൻറ്റെ മുഖത്തേക്ക് നോക്കി,,,

കാര്യം മനസ്സിലാക്കിയ ദത്തൻ,, പേടിക്കേണ്ടതില്ല എന്ന് പറയുന്ന ഭാവത്തോടെ അയാളുടെ ചെയറിൽ നിന്നും എഴുന്നേറ്റു മാനസിയുടെ പിറകിൽ അല്പം കുനിഞ്ഞു നിന്നു,,,

ദത്തൻ അയാളുടെ മുഖം മാനസിയുടെ ഷോൾഡർ ഭാഗത്തു ചേർത്ത് വെച്ചു,, ശേഷം അവളുടെ ഇരു കരങ്ങൾക്കും മേൽ തൻ്റെ കരങ്ങൾ ചേർത്ത് വെച്ചു,,

മാനസിയുടെ ഓരോ വിരലിനും മുകളിലായി തൻ്റേയും സമാന വിരലുകൾ ചേർത്ത് വെച്ച ദത്തൻ ആദ്യം ചോപ്സ്റ്റിക്ക് എങ്ങനെയാണു ശരിയായ രീതിയിൽ പിടിക്കേണ്ടത് എന്ന് മാനസിക്ക് പഠിപ്പിച്ചു കൊടുത്തു,,,

പിടുത്തം ശരിയായതും ഫ്രൈഡ് റയിസിൽ നിന്നും അല്പം ചോറും ഒപ്പം ഒരു ചെമ്മീൻ കഷ്ണവും ഇറുക്കിപ്പിടിച്ചു മാനസിയുടെയും ദത്തൻറ്റെയും ഇരു കൈകളും ഒരുപോലെ മുകളിലേക്ക് ഉയർന്നു വിജയകരമായി ആ ഭക്ഷണം മാനസിയുടെ വായിലേക്ക് നിക്ഷേപിക്കപ്പെട്ടു

തൻ്റെ വായിലേക്ക് നിക്ഷേപിക്കപ്പെട്ട ആ ചൈനീസ് ഫുഡിന്റെ സ്വാദ് അറിഞ്ഞതും,, മാനസി കണ്ണുകൾ അടച്ചു പരിസരം മറന്നു ഹ്മ്മ്മ്,,, വൗ,, എന്ന് അല്പം ഉറക്കെ തന്നെ പറഞ്ഞുപോയി,,,

ഇത് ഇവിടുത്തെ ചൈനീസ് ഫുഡിൽ കിട്ടാവുന്നതിൽ വെച്ച് ഏറ്റവും ബെസ്റ്റ് ആണ്,, ശങ്കായിയിൽ നിന്നും വന്ന ഒരു റിയൽ ചൈനീസ് കാരൻ തന്നെയാണ് ഇവിടുത്തെ ഷെഫ് !! (മാനസിയുടെ ആ നിഷ്കളങ്കമായ പ്രതികരണം കണ്ട മായ ഒരു ചെറു പുഞ്ചിരിയോടെ പറഞ്ഞു).