പേരില്ലാത്ത സ്വപ്നങ്ങളിൽ ലയിച്ചു 2.1 [Malini Krishnan] 60

ഒരു മാസത്തിന് ശേഷം ഹൃതിക് അവളെ കാണാൻ പോവുന്ന വഴിയിൽ ഒരു ചെറിയ ആക്സിഡന്റ് സംഭവിക്കുന്നു, അവന് ഒന്നും പറ്റിയില്ല, പക്ഷെ അവനെ വന്ന വണ്ടിയിൽ ഉണ്ടായിരുന്ന കുട്ടിക്ക് കാര്യമായി മറിവുകൾ പറ്റുന്നു, അത് അവൾ തന്നെ ആയിരുന്നു. പിന്നീട് അവർ ഹോസ്പിറ്റലിൽ നിന്നും കൂടുതൽ അടുക്കുന്നു, അവളുടെ പേര് രാശിക ആണ് എന്ന് അറിയുന്നു. അവൻ അവളുടെ അമ്മ ആയിട്ടും അടുക്കുന്നു,

പിന്നെ പര്സപരം ഇഷ്ടം തുറന്ന് പറയുകയും ചെയുന്നു. ഡിസ്ചാർജ് ആയി അവളുടെ വീട്ടിലേക്ക് പോയ അവൻ ചില സത്യങ്ങൾ മനസിലാകുന്നു. അവൾ ഇരട്ടകൾ ആണ് എന്നും, അവൻ ആദ്യം പരിചയപ്പെട്ടതും സ്നേഹിച്ചതും ആഷിക ആണ് എന്നും ഹോസ്പിറ്റലിൽ വെച്ച് അവളുടെ അതെ മുഖസാദൃശ്യം ഉള്ള റാഷിക ആയിരുന്നു എന്നും.

ഒരുപാട് വർഷങ്ങൾക് ശേഷം ഒന്നിച്ച അവരുടെ ജീവിതത്തിൽ ഒരു ശല്യം ആവണ്ട എന്നും, ശെരിയായ ഒരു തീരുമാനവും എടുക്കാൻ അറിയാത്തത് കൊണ്ടും ഹൃതിക് രണ്ട് പേരിൽ നിന്നും അകന്ന് പോകുന്നു.

ആശുപത്രി…

എമർജൻസി വാർഡിന്റെ തൊട്ട് പുറത്ത് ഉള്ള ചെയറിൽ കണ്ണും പൂട്ടി തല പുറകോട്ട് ചാരി അവിടെ ഇരിക്കുക ആയിരുന്നു അവൻ. പ്രായത്തിൻ ചേർന്ന വസ്ത്ര ധാരണ അല്ലായിരുന്നു അവന്, ഒരു ഹാഫ് സ്ലീവവ് ഷർട്ടും പാന്റും. നെറ്റി കുറച്ച് കേറിയ ഒരു കോളേജ് പയ്യൻ, ട്രിമ് ചെയ്ത താടിയും മീശയും. അവൻ പെട്ടന്ന് കണ്ണുകൾ തുറന്ന് ഫോൺ എടുത്ത് നോക്കി, സമയം രാത്രി 2 മണി ആകുന്നു, കോണ്ടക്ട്സ് സ്ക്രോൽ ചെയ്ത് തുടങ്ങി.

ഹൃതിക്’ന്ടെ നമ്പർ എടുത്തെങ്കിലും അവൻ ഡയൽ ചെയ്തില്ല. അവൻ പിന്നെയും സ്ക്രോൽ ചെയ്ത് ‘സമീർ’ന്ടെ നമ്പർ എടുത്ത് ഡയൽ ചെയ്തു, പക്ഷെ ഹോസ്പിറ്റലിന്റെ ഉള്ളിൽ റേഞ്ച് ഉണ്ടായിരുന്നില്ല. അവൻ അവിടെ ചുറ്റും നോക്കിയപ്പോ അവിടെ ഉണ്ടായിരുന്ന കൗണ്ടറിൽ ഒരു ലാൻഡ്‌ലൈൻ കണ്ടു. ആ കൗണ്ടറിൽ ഉണ്ടായിരുന്ന ആൾകാർ ഉറങ്ങുന്നത് കൊണ്ട് അവൻ ആരോടും ഒന്നും ചോദിക്കാതെ അത് എടുത്ത് സമീറിന്റെ നമ്പർ ഡയൽ ചെയ്തു…