പൈനാപ്പിൾ ലൈം ജ്യൂസ്‌ 2 [ഒറ്റയ്ക്ക് വഴിവെട്ടി വന്നവൻ] 89

 

“എന്തെന്നാ ഇങ്ങനെ എന്ന് അപ്പൂ?!!!”

 

​അവളുടെ ചോദ്യം കേട്ടപ്പോഴാണ് എന്റെ ശ്രദ്ധ വണ്ടിയുടെ സ്പീഡോമീറ്ററിലേക്ക് വീണത്.

 

ഞാൻ ശരിക്കും ഒന്ന് ഞെട്ടിപ്പോയി! സൂചി ദാ… 32… 33… എന്ന കണക്കിൽ അവിടെത്തന്നെ തങ്ങിനിൽക്കുന്നു.

 

 

​ഇത്രയും നേരം ആ മെലഡി പാട്ടും പുറത്തെ പ്രകൃതിഭംഗിയും ആസ്വദിച്ചിരുന്നപ്പോൾ എന്റെ മനസ്സ് ഒരു വല്ലാത്ത സമാധാനത്തിലായിരുന്നു.

 

അതുകൊണ്ട് തന്നെ വണ്ടി ഇഴയുന്നത് ഞാൻ അറിഞ്ഞതേയില്ല.

 

ഈ ഹൈവേയിൽ ഇത്രയും വലിയ റോഡിലൂടെ ഇവൾ ആ സർവീസ് റോഡിൽ വന്ന അതേ വേഗതയിൽ തന്നെയാണ് ഇപ്പോഴും പോകുന്നത്!

 

 

​”അതേ…അനു… ഒന്ന് വണ്ടി സൈഡ് ആക്കുമോ?”

 

ഞാൻ ഗൗരവത്തിൽ ചോദിച്ചു.

 

 

​”എന്താ അപ്പൂ… മുള്ളണോ? ഇതിപ്പോ ഇറങ്ങിയതല്ലേയുള്ളൂ!”

 

 

​”ഏയ്… അതിനല്ല. വണ്ടിക്ക് പിക്കപ്പ് ഇല്ലെങ്കിൽ ഞാൻ പുറത്തിറങ്ങി പിന്നിൽ നിന്ന് ഒന്ന് തള്ളിത്തരാം എന്ന് കരുതി. അതാ നിർത്തിക്കാൻ പറഞ്ഞത്!!”

 

 

​എന്റെ ഡയലോഗ് കേട്ട് അവൾ ആദ്യം ഒന്ന് അമ്പരന്നു.

 

“ഓഹ്… അങ്ങനെ…”

 

അവൾ ശരിക്കും അതൊന്നു ആലോചിച്ചു. പക്ഷേ തൊട്ടുപിന്നാലെ എന്റെ മുഖത്തെ ആ പരിഹാസം കണ്ടതും അവൾക്ക് സംഗതി കത്തി.

 

 

​”എന്ത്…?!!”

 

അവൾ ആ ഉണ്ടക്കണ്ണുകൾ ഉരുട്ടി എന്നെ നോക്കി.

 

 

​”എന്റെ പൈനാപ്പിൾ റാണി… ഇങ്ങനെ ഈ മുപ്പതും മുപ്പത്തിരണ്ടും സ്പീഡിൽ പോയാൽ നമുക്ക് അടുത്ത ആഴ്ചയേ ബാംഗ്ലൂർ എത്താൻ പറ്റൂ!