പൈനാപ്പിൾ ലൈം ജ്യൂസ്‌ 2 [ഒറ്റയ്ക്ക് വഴിവെട്ടി വന്നവൻ] 166

​”അനു… വണ്ടി എവിടെ?”
ഞാൻ ചുറ്റും നോക്കി ചോദിച്ചു.

​”അതാ അവിടെ… നിന്റെ പൊന്നു വണ്ടി!   ആ ‘ആണും പെണ്ണും കെട്ട’ സാധനം അവിടെത്തന്നെ സുരക്ഷിതമായി ഇരിപ്പുണ്ട്,”
അവൾ ദൂരെ മാറി പാർക്കിംഗിലേക്ക് വിരൽ ചൂണ്ടി.

​ഞങ്ങൾ വണ്ടിയുടെ അടുത്തേക്ക് നടന്നു.

ഞാൻ റിമോട്ട് കീ അമർത്തിയപ്പോൾ വണ്ടി ഒന്ന് ‘ബീപ്’ ശബ്ദത്തോടെ കണ്ണുചിമ്മി. അനു വണ്ടിയുടെ അടുത്തെത്തിയതും ഒന്ന് നിന്നു..
​

വണ്ടി പാർക്കിംഗിൽ കണ്ടതും എനിക്ക് ശരിക്കും ശ്വാസം നേരെ വീണു. ഞാൻ വേഗം ഓടിച്ചെന്ന് വണ്ടിക്ക് ചുറ്റും ഒന്നു നടന്നു നോക്കി.

 

എവിടെയെങ്കിലും ഒരു പോറലോ തട്ടലോ ഉണ്ടോ എന്ന് അറിയണമല്ലോ. രാവിലെ ഈ പൈനാപ്പിൾ റാണി വണ്ടി എടുത്തോണ്ട് പോയതല്ലേ!

 

 

 

​എന്റെ ആ പരിശോധന കണ്ടതും അനു ഇടുപ്പിൽ കൈകുത്തി നിന്ന് ഒരു ചിരി ചിരിച്ചു.

 

ഇത്തവണ തമിഴ് മാറ്റി അവൾ പച്ച മലയാളത്തിൽ തന്നെ കാച്ചി.

 

 

 

​”എന്താടാ അപ്പു ഇങ്ങനെ നോക്കുന്നത്? ഞാൻ നിന്റെ വണ്ടി എവിടെയും അടിച്ചിട്ടൊന്നും ഇല്ല. ഒരു പോറൽ പോലും വീണിട്ടില്ല, കണ്ടല്ലോ!”

 

 

 

​അവളുടെ ആ ആത്മവിശ്വാസം കണ്ടപ്പോൾ എനിക്ക് കുറച്ച് ചമ്മൽ തോന്നി.

 

“എന്റെ പൊന്നോ, ഞാൻ ഒന്ന് ചുമ്മാ നോക്കിയതല്ലേ. എന്റെ വണ്ടിയല്ലേ, ഒരു പേടി…അത്രമാത്രം!!”

 

 

 

​അവൾ പതുക്കെ എന്റെ അടുത്തേക്ക് വന്നു,

 

 

 

 

“എങ്കിൽ ഇപ്പൊ വിശ്വാസം ആയില്ലേ? എങ്കിൽ ആ കീ ഇങ്ങു താ അപ്പു. സേലം ഹൈവേയിലൂടെ ഞാൻ ഒന്ന് പറപ്പിക്കട്ടെ. എന്റെ ഡ്രൈവിംഗ് ഒന്ന് നീ കാണണം!”