പൈനാപ്പിൾ ലൈം ജ്യൂസ്‌ 2 [ഒറ്റയ്ക്ക് വഴിവെട്ടി വന്നവൻ] 165

 

 

 

​ഞാൻ ഒന്ന് ആലോചിച്ചു. രാവിലെ അവൾ വണ്ടി ഓടിച്ചതാണല്ലോ. ആ ഒരു ധൈര്യത്തിൽ ഞാൻ കീ അവളുടെ കൈവെള്ളയിലേക്ക് ഇട്ടു കൊടുത്തു.

 

 

 

​”ഇന്നാ… നിന്റെ ഡ്രൈവ് എങ്ങനെ ഉണ്ടെന്ന് ഞാനൊന്ന് കാണട്ടെ. പക്ഷേ ശ്രദ്ധിക്കണം, സേലം ഹൈവേയാണ്. വല്ല ലോറിയും വന്ന് മുട്ടിയാൽ പിന്നെ നിന്റെ പൈനാപ്പിളും ഉണ്ടാവില്ല, എന്റെ വണ്ടിയും ഉണ്ടാവില്ല!കേട്ടല്ലോ..!!”

 

 

 

​അവൾ ആ കീ കൈയ്യിലിട്ട് ഒന്ന് കറക്കി.

 

“പേടിക്കണ്ട ഡിസൈനർ അളിയാ… നീ സീറ്റിൽ ഇരുന്നോ. നിന്റെ ഈ വണ്ടി ഒരു വിമാനം പോലെ ഞാൻ പറപ്പിക്കുന്നത് നോക്കിക്കോ!”

 

 

 

​അവൾ ആ കൈയിൽ ഉണ്ടായിരുന്ന പൈനാപ്പിൾ ഉണ്ടായിരുന്ന കവർ പിൻ സീറ്റിൽ വെച്ചു ഡ്രൈവിംഗ് സീറ്റിലേക്ക് കയറി.

 

ആ പെർഫ്യൂം മണവും അവളുടെ ആ തന്റേടവും കൂടി ആയപ്പോൾ എനിക്ക് വല്ലാത്തൊരു സുഖം തോന്നി.

 

 

 

ഹോട്ടലിന്റെ ഗേറ്റ് ലക്ഷ്യമാക്കി ഞാൻ പതുക്കെ നടന്നു.

 

അവൾ വണ്ടി എടുത്ത് ഗേറ്റിനടുത്തേക്ക് വരുമല്ലോ എന്ന് കരുതിയാണ് ഞാൻ മുന്നോട്ട് നീങ്ങിയത്.

 

ഗേറ്റിനടുത്തെത്തി ചുമ്മാ ഒന്ന് പുറകോട്ട് തിരിഞ്ഞു നോക്കിയ ഞാൻ അവിടെ തറഞ്ഞുനിന്നുപോയി.

 

 

 

​എന്റെ വണ്ടിയുടെ തൊട്ടടുത്ത് തന്നെ ഇതാ കിടക്കുന്നു… ഒരു തട്ടുപൊളിപ്പൻ മഹീന്ദ്ര ഥാർ റോക്സ്!!

 

കറുത്ത നിറത്തിൽ, ആകാരവടിവോടെ, ഒരു കാട്ടുരാജാവിനെപ്പോലെ അത് അവിടെ ഗമയിൽ നിൽക്കുന്നു.