പൈനാപ്പിൾ ലൈം ജ്യൂസ്‌ 2 [ഒറ്റയ്ക്ക് വഴിവെട്ടി വന്നവൻ] 85

 

 

“ഇതെന്താ അപ്പൂ… ദീപാവലി ആണോ ഇവിടെ..?”

 

“എനിക്കറിയില്ല മോളെ..!!”

 

സേലം ബൈപാസിനടുത്ത് ഉള്ളിലോട്ടു കയറി നല്ല ഉയരത്തിൽ നിൽക്കുന്ന ഒരു കൊട്ടാരം പോലുള്ള ഹോട്ടലിന് മുന്നിൽ ഞാൻ വണ്ടി നിർത്തി.

 

‘ഹോട്ടൽ തങ്കമകൾ ഗോൾഡ് ‘. പുറത്ത് വർണ്ണാഭമായ ലൈറ്റുകളും, യൂണിഫോം ഇട്ട സെക്യൂരിറ്റിക്കാരും ഒക്കെയായി നല്ല ‘റോയൽ’ ഫീലുണ്ട്.

 

അനു കാറിൽ നിന്നിറങ്ങി ആ കെട്ടിടത്തിന്റെ ആഡംബരം നോക്കി നിന്നു.

 

 

​”ഇത് കൊള്ളാം അപ്പൂ… നേരത്തെ കേറിയ കോഴിഹോട്ടലിനെക്കാൾ എന്തുകൊണ്ടും നല്ലത് ഇത് തന്നെ…”

 

 

 

 

​ഞങ്ങൾ അകത്തേക്ക് കയറി.

 

റിസപ്ഷനിൽ നിൽക്കുന്ന പെൺകുട്ടി പട്ടുസാരിയൊക്കെ ഉടുത്ത് മുടിയിൽ മല്ലിപ്പൂവും വെച്ച് ഒരു തമിഴ് സിനിമയിലെ നായികയെപ്പോലെ ചിരിച്ചു.

 

 

​”വണക്കം സർ, വണക്കം മാഡം! വെൽക്കം ടു തങ്കമകൾ…”

 

 

​”റൂംസ് അവൈലബിൾ അല്ലെ..”

 

“യെസ്.. സർ…റൂംസ് ഇറുക്ക്.. ഡിന്നർ ഇറുക്ക്..”

 

​അനു പെട്ടെന്ന് എന്റെ അടുത്തേക്ക് നീങ്ങി നിന്നിട്ട് പതിയെ ചോദിച്ചു,

 

“അപ്പൂ… രണ്ട് റൂമിനും കൂടി എത്രയാകും? എന്റെ കയ്യിൽ അത്രക്ക് കാശൊന്നുമില്ല കേട്ടോ.”

 

 

​”നീ പേടിക്കണ്ടടി പൈനാപ്പിൾ റാണീ, നിന്റെ പഴയ പെൻസിൽ ഒടിച്ചതിന് പരിഹാരമായി ഈ ഒരു രാത്രിയിലെ വാടക ഞാൻ അങ്ങ് സഹിച്ചോളാം!”

 

ഞാൻ ഒന്ന് കണ്ണടിച്ചു.

 

“എന്നാൽ പിന്നെ ഫുഡ് കഴിച്ചിട്ട് റൂം എടുക്കാം…”