പൂമഴ പെയ്ത തീരങ്ങൾ 1 [സ്പൾബർ] 141

സുഷമക്കൊരു കാമുകനില്ലെന്ന് എല്ലാ വശവും പരിശോധിച്ച് അയാൾ തീരുമാനത്തിലെത്തി..അവളുടെ മൊബൈൽ ഫോണും അയാൾ പരിശോധിച്ചു.. അതിൽ നിന്നും ഒരു തെളിവും അയാൾക്ക് കണ്ടെത്താനായില്ല..

ദേവദാസ്, അടുത്ത സുഹൃത്തായ ജോർജുമായി നിരന്തരം ബന്ധപ്പെട്ടു.. ഏത് വിധേനയും ആ സിസി ടി വി ഫൂട്ടേജ് എടുക്കാൻ അയാൾ ജോർജിനോട് പറഞ്ഞിട്ടുണ്ട്.. ആത്മാർത്ഥ സുഹൃത്തിന് വേണ്ടി ജോർജതിന് ശ്രമിക്കുന്നുമുണ്ട്.. നിയമപ്രശ്നമുള്ള സംഗതിയാണത്.. ജോർജ് പല നിലക്കും അന്വോഷിക്കുന്നുണ്ട്..അതിൽ നിന്നും ജോർജ് ഒരു കാര്യം കണ്ടെത്തി..എ ടി എം കൗണ്ടറിലെ സി സി ടി വി യിൽ മാത്രമല്ല,എ ടി എം മെഷീനിലും വരുന്ന കസ്റ്റമറുടെ ചിത്രം പതിയും..അതൊരു സ്റ്റിൽ ഫോട്ടോ മാത്രമായിരിക്കും..അത് കൈകാര്യം ചെയ്യുന്നത് ബാങ്കല്ല..എ ടി എമ്മിൽ പണം നിറക്കുന്ന കമ്പനിയാണ്..

ബാങ്കുദ്യോഗസ്ഥനായ ജോർജിന് അതൊരു പുതിയ അറിവായിരുന്നു..അതേ കുറിച്ചയാൾ അന്വോഷിച്ചു..എ ടി എമ്മിൽ പണം നിറക്കുന്ന ഒരാൾ ജോർജിന്റെ സുഹൃത്താണ്.. അയാളുമായി ജോർജ് സംസാരിച്ചു.. സംഗതി ശരിയാണ്.. അയാൾക്കാ ചിത്രങ്ങൾ അതിൽ നിന്നെടുക്കാനും പറ്റും..മുപ്പത് ദിവസം വരെയാണ് ആ ചിത്രങ്ങൾ അതിൽ സൂക്ഷിക്കുക.. പക്ഷേ,എ ടി എമ്മിൽ എന്തേലും റോബറി നടന്നിട്ടുണ്ടെങ്കിൽ, പോലീസ് ആവശ്യപ്പെട്ടാൽ മാത്രമേ അത് കൊടുക്കാൻ നിവൃത്തിയുള്ളൂ..

ജോർജിന്റെ നിരന്തരമായ അഭ്യർത്ഥന പ്രകാരം അയാളാ ചിത്രങ്ങളെടുക്കാമെന്ന് സമ്മതിച്ചു.. ദേവദാസിന്റെ അക്കൗണ്ടിൽ നിന്ന് പണം നഷ്ടപ്പെട്ട ദിവസവും, സമയവും ജോർജ് അയാളോട് പറഞ്ഞു.. അടുത്ത തവണ പണം നിറക്കുന്ന ദിവസം തന്നെ ആ ചിത്രങ്ങളെടുത്ത് ഒരു പെൻഡ്രൈവിലാക്കി അയാൾ ജോർജിന് കൊടുത്തു..