പൂമഴ പെയ്ത തീരങ്ങൾ 1 [സ്പൾബർ] 138

അന്ന് വൈകിട്ട് ബാറിലെ അവരുടെ സ്വകാര്യ മുറിയിലിരുന്നാണ് ജോർജും, ദേവദാസും ആ പെൻഡ്രൈവ് ലാപ്ടോപ്പിലിട്ട് പരിശോധിച്ചത്.. ജോർജ് പറഞ്ഞ ഏകദേശം സമയത്തെ ചിത്രങ്ങൾ മാത്രമാണ് ഉള്ളത്.. അഞ്ചാൾക്കാരുടെ ഫോട്ടോയാണ്.. മൂന്നാണും,രണ്ട് പെണ്ണും.. പെണ്ണുങ്ങൾ രണ്ടും സുഷമയല്ലെന്ന് ദേവദാസ് നോക്കി ഉറപ്പാക്കി.. ഇനിയുള്ളത് മൂന്ന് ആണുങ്ങളാണ്.. അതിലൊരാൾ നല്ല പ്രായമുള്ളയാളാണ്.. അയാളെയും ഒഴിവാക്കി.. പിന്നെയുള്ളത് രണ്ട് യുവാക്കൾ..

ദേവദാസ് മൊബൈലെടുത്ത് തന്റെ പണം നഷടപ്പെട്ടതായി മെസേജ് വന്ന കൃത്യ സമയം നോക്കി..

ആ ഫോട്ടോയിലും കൃത്യസമയം രേഖപ്പെടുത്തിയിട്ടുണ്ട്..

“ദാ നോക്ക്… ഇവനാണ് നിന്റെ പണം പിൻവലിച്ച വിരുതൻ…”..

ഒരു ഫോട്ടോ സൂം ചെയ്ത് കാണിച്ച് കൊണ്ട് ജോർജ് പറഞ്ഞു.. ദേവദാസ് ആ ചിത്രത്തിലേക്ക് നോക്കി.. കൂടിപ്പോയാൽ മുപ്പത് വയസ് പ്രായം മതിക്കുന്ന സുമുഖനായൊരു യുവാവ്..

“ ഇവനെ നീ അറിയോ… ?”..

ദേവദാസ് ഒന്നും മിണ്ടിയില്ല..അയാൾ ശരിക്കും നടുങ്ങിപ്പോയിരുന്നു..അയാൾക്ക് വീടിന് കുറച്ച് മാറി ഒരു ചെറിയ കെട്ടിടമുണ്ട്.. നാലഞ്ച് ഷട്ടർ റൂം.. അത് വാടകക്ക് കൊടുത്തിരിക്കുകയാണ്.. അതിൽ രണ്ട് മുറി ഒരു പലചരക്ക് കടയാണ്..ഒരു മുറി ചെറിയൊരു ചായക്കട..മറ്റേ രണ്ട് മുറിയിൽ അലൂമിനിയം ഫാബ്രിക്കേഷൻ വർക്കാണ്.. വീടുകളിൽ അലമാരയും, കിച്ചൺ ബോക്സും,ജനാലപ്പൊളികളുമൊക്കെ ഉണ്ടാക്കി ഫിറ്റ് ചെയ്ത് കൊടുക്കുന്ന പരിപാടി.. വീടുകളിൽ ചെന്ന് അളവെടുത്ത്, ആ റൂമിലിട്ടാണ് അവർ സാധനമുണ്ടാക്കുന്നത്..അത് വീടുകളിൽ കൊണ്ട് പോയി ഫിറ്റ് ചെയ്ത് കൊടുക്കും…