പൂമഴ പെയ്ത തീരങ്ങൾ 1 [സ്പൾബർ] 141

രാത്രി ടേബിളിനപ്പുറവും ഇപ്പുറവും ഇരുന്ന് ഭക്ഷണം കഴിക്കുമ്പോഴും ദേവദാസ് ഭാര്യയെ ശ്രദ്ധിക്കുകയായിരുന്നു.. ഏതൊരാണിനേയും മയക്കാൻ മാത്രം അതിസുന്ദരിയാണ് തന്റെ ഭാര്യയെന്നാണ് വീണ്ടും വീണ്ടും നോക്കിയിട്ടും അയാൾക്ക് മനസിലായത്.. ഭക്ഷണം കഴിക്കുമ്പോ അവളുടെ തടിച്ച് മലർന്ന ചുവന്ന ചുണ്ടിന്റെ ചലനം പോലും അതീവ കാമോദ്വീപമായ കാഴ്ചയാണ്..

“വീട്ടിലേക്ക് വിളിക്കാറില്ലേടീ നീ… ?..

അവിടെയെന്താ അച്ചന്റേയും അമ്മയുടേയുമൊക്കെ വിശേഷം… ?”..

സുഷമ അൽഭുതത്തോടെ തലയുയർത്തി ഭർത്താവിനെ നോക്കി..

ഇത്രയും കാലം ഉണ്ടാകാത്ത ചോദ്യമാണ് അയാൾ ചോദിച്ചതെന്നാണ് അവളുടെ അൽഭുതത്തിന് കാരണം..

“ ഞാനെന്നും വീട്ടിലേക്ക് വിളിക്കാറുണ്ടേട്ടാ… അവർക്ക് കുഴപ്പമൊന്നുമില്ല…”..

സംശയത്തോടെ അയാളെ ഒന്ന് നോക്കിയാണ് സുഷമ പറഞ്ഞത്..

“ഉം… കൊറേയായി അങ്ങോട്ടൊക്കെ ഒന്ന് പോയിട്ട്…ഒരു ദിവസം നമുക്കൊന്ന് പോണം… “..

സുഷമക്ക് വീണ്ടും അൽഭുതം..തന്റെ അമ്മാവൻ മരിച്ചപ്പോ പോലും വരാത്ത മനുഷ്യനാണിത്..

സുഷമയുടെ കുടുംബമായൊന്നും ദേവദാസിന് തീരെ അടുപ്പമില്ല.. അങ്ങോട്ടൊന്നും പോകാറുമില്ല.. ഇതിപ്പോ ചില വിവരങ്ങൾ സുഷമയിൽ നിന്ന് കിട്ടാനാണ് അയാളീ നമ്പറിറക്കുന്നത്.. അവളുടെ വീട്ടിലാർക്കെങ്കിലും അവൾ പൈസ കൊടുത്തോന്നറിയണം.. നേരിട്ട് ചോദിക്കാൻ പറ്റില്ല.. അതിനാണീ വളഞ്ഞ വഴി..

പിന്നെയും അവളുടെ വീട്ടുകാരെ പറ്റി സംസാരിച്ചെങ്കിലും അയാൾക്ക് വേണ്ട യാതൊരു വിവരവും സുഷമയിൽ നിന്ന് കിട്ടിയില്ല. ഒരു വേള തുറന്ന് ചോദിക്കാൻ ഒരുങ്ങിയെങ്കിലും ചോദിച്ചില്ല.. നുര പൊന്തുന്ന സംശയവും,കത്തുന്ന പകയുമായി അയാൾ ഉറങ്ങാൻ കിടന്നെങ്കിലും ഉറക്കം വന്നില്ല.. കുറച്ച് സമയത്തിനകം തന്നെ സുഷമയുടെ താളാത്മകമായ ശ്വാസ്വാേച്ചാസം കേട്ടു.. ശാന്തമായുറങ്ങുന്ന ഭാര്യയുടെ മുഖത്തേക്കയാൾ പകയോടെ നോക്കി..തന്റെ ഉറക്കം കളഞ്ഞ് ഒന്നുമറിയാതെ സുഖമായി ഉറങ്ങുന്ന സുഷമയെ വെട്ടിക്കൊല്ലാനുള്ള ദേഷ്യമയാൾക്കുണ്ടായി..