പൂമഴ പെയ്ത തീരങ്ങൾ 4 [സ്പൾബർ] 494

 

 

സുഷമക്ക് അപകടം മണത്തെങ്കിലും അവൾ മുഖത്തത് പ്രകടിപ്പിച്ചില്ല..

 

 

“അതെങ്ങിനെയാ ഏട്ടാ… അങ്ങിനെ ഫോട്ടോയൊക്കെ കിട്ടോ… ?”..

 

 

അൽപ നേരം ഒന്ന് പതറിയെങ്കിലും സുഷമ ധൈര്യം കൈവിട്ടില്ല..

 

 

“ഉം… കിട്ടും… ആ ഫോട്ടോ എനിക്ക് കിട്ടുകയും ചെയ്തു… ദേ നോക്ക്… ഇവനാണ് ആള്… ഉറപ്പില്ല… എന്നാലും ആ സമയത്ത് ഇവനൊറ്റക്കേ ആ എ ടി എമ്മിൽ ഉണ്ടായിരുന്നുള്ളൂ… നിനക്കിനെ വല്ല പരിചയവുമുണ്ടോന്ന് നോക്കിയേ… ?”..

 

 

മൊബൈലിൽ ഒരു ഫോട്ടോ കാട്ടിക്കൊണ്ട് ദേവദാസ് ചോദിച്ചു.. സുഷമ മൊബൈൽ വാങ്ങി നോക്കി.. ദേഹമാസകലം ഒരു വിറയലുണ്ടായെങ്കിലും അതവൾ സമർത്ഥമായി മറച്ചു..

 

 

“ഇവനോ… ?.. ഇവനല്ലേ ഏട്ടാ നമ്മുടെ വീട്ടിൽ ആ ഷോകേസ് ഉണ്ടാക്കാൻ വന്നത്… ?.. ഏട്ടന് ഇവനെ മനസിലായില്ലേ… ഇവനാണോ ആ കള്ളൻ…?”..

 

 

ഭാര്യയുടെ ചങ്കൂറ്റത്തിൽ ദേവദാസിന് അൽഭുതം തോന്നി..

 

 

“ അവനാണല്ലേ ഇത്… ?.

എനിക്കൊരു സംശയമുണ്ടായിരുന്നു… ഫോട്ടോ ക്ലിയറല്ലാത്തത് കൊണ്ട് എനിക്ക് ശരിക്ക് മനസിലായില്ല…”..

 

 

“ ഇതവൻ തന്നെയാ ഏട്ടാ…ഇവനെന്തിനാ നമ്മുടെ പൈസ എടുത്തത്… ?”..

 

 

“ അവനെടുത്തെന്ന് ഉറപ്പില്ല… എന്നാൽ അവനെ സംശയിക്കാൻ കാരണങ്ങളുമുണ്ട്… എനിക്ക് തോന്നുന്നത് വീട്ടിൽ പണിക്ക് വന്നപ്പോ അവനാ കാർഡ് മോഷ്ടിച്ചിട്ടുണ്ടെന്നാ…”..

 

 

ഒന്നുമറിയാത്ത ഭാവത്തിലാണ് ദേവദാസ് പറയുന്നത്..

 

 

“ഇല്ല… അവൻ നമ്മുടെ റൂമിലേക്ക് തന്നെ കയറിയിട്ടില്ല…,”..