പൂര്‍ണേന്ദു [Daada] 106

ഇതിനെല്ലാം കാരണക്കാരനായ കൃഷ്ണയെ കാണാനുള്ള മോഹത്താല്‍ ആ ഐഡി മുഴുവന്‍ തിരഞ്ഞെങ്കിലും ആളുടെ പടമൊന്നും അതിലില്ല.
ആളാരാണെന്നറിയാതെ മിണ്ടുന്നതെങ്ങനെയെന്നോര്‍ത്ത് വിഷമിച്ചിരിക്കേ., അതിനൊരു പരിഹാരമായി ഒരു ഫേക്ക് ഐഡി പൂര്‍ണേന്ദു ഉണ്ടാക്കി. എന്നിട്ട് കൃഷ്ണയെ ഫോളോ ചെയ്ത് മെസേജ് ഇട്ടു.
താനിതെന്താ ഇങ്ങനെയെന്ന് പല തവണ പൂര്‍ണേന്ദു ചിന്തിച്ചിട്ടുണ്ട്.
ജാതക ദോഷത്താല്‍ കല്ല്യാണം നടന്നിട്ടില്ല., അടുത്തെത്തിയ പ്രണയങ്ങളെല്ലാം തന്‍റെ ശരീരത്തോടാണെന്നുള്ളത് കൊണ്ട് ഇതുവരെ പ്രണയബന്ധങ്ങളുമുണ്ടായിട്ടില്ല.
അച്ഛനുമമ്മയും നേരത്തെ മരിച്ചതിനാല്‍ പോറ്റി വളര്‍ത്തിയ ചെറിയച്ഛനും ചെറിയമ്മയും കൂടി മരണപ്പെട്ടതിനാല്‍ ആരുമില്ലാതെ ആയ അവസ്ഥയില്‍ മുരടിച്ചു പോയ മനസ്സിന്‍റെ നാമ്പുകളെ വീണ്ടുമുണര്‍ത്തിയ രതിയെ നല്‍കിയ കൃഷ്ണയില്‍ അവള്‍ തന്‍റെ കാമുക സ്ഥാനം പ്രതിഷ്ഠിച്ചു.
അന്നു മുതല്‍ അതുവരെ കണ്ട പൂര്‍ണേന്ദുവായിരുന്നില്ല മറ്റുള്ളവരുടെ മുന്നില്‍ പിന്നീട്.
നല്ല ഭംഗിയോടെ ഒരുങ്ങുകയും., ചിരിച്ചു കളിച്ചുല്ലസിക്കുകയും ചെയ്തു തുടങ്ങിയ പൂര്‍ണേന്ദു., തന്‍റെ നഷ്ടപ്പെട്ട കാലങ്ങളെല്ലാം തന്‍റെ നാല്‍പ്പതാം വയസ്സില്‍ തിരിച്ചു കൊണ്ടു വന്നു.

കൃഷ്ണയുടെ റിപ്ലേ ആദ്യമായി കണ്ടതും പൂര്‍ണേന്ദുവൊന്ന് പൂത്തുലഞ്ഞു.
പരിസര ബോധം വന്നെങ്കിലും മറയ്ക്കാനാകാത്ത ലജ്ജയാല്‍ പൂര്‍ണേന്ദു ക്ലാസിലേക്ക് നടന്നു.

ഇതേ സമയം.,

” അളിയാ ആദി ഹാപ്പി ബര്‍ത്ത്ഡേ..?! ”
ഫോണിലൂടെ ജിതിന്‍റെ ശബ്ദം കേട്ടതും ആദിത്യന്‍ ചിരിയോടെ താങ്ക്സ് പറഞ്ഞു.
” താങ്ക്സൊക്കെ അവിടെ ഇരിക്കട്ടെ..?! ചെലവ് വേണം ചെലവ്..?! ”
” അതൊക്കെ ചെയ്യാം., ഞാനാദ്യമൊന്ന് എണീറ്റ് പല്ല് തേക്കട്ട്., നീ ഫോണ്‍ വച്ചേ..?! ”
” ആഹാ., മക്കളുണര്‍ന്നതേ ഉള്ളാ..?! അപ്പോ കീര്‍ത്തീടേ സ്റ്റോറിയൊന്നും കണ്ട് കാണില്ല അല്ലേ..?! ”
ചിരിയോടെ ഉള്ള ജിതിന്‍റെ ചോദ്യം കേട്ടതും., ആദിത്യനൊന്നു ഞെട്ടി.
” ഇല്ലെടാ..?! എന്താടാ..?! ”
” എന്നാ മക്കളെടുത്ത് നോക്ക്‌..?! ”
അതും പറഞ്ഞ് ജിതിന്‍റെ കോള്‍ കട്ടായി.
ഉടനെ ആദിത്യന്‍ ഇന്‍സ്റ്റാഗ്രാം എടുത്തതും,
അപ്പോള്‍ സെലക്ടായി കിടന്ന ”കൃഷ്ണ” എന്ന ഐഡി മാറ്റിയ ആദിത്യന്‍ തന്‍റെ പേഴ്സണല്‍ ഐഡി ആയ itsmeaadhi എടുത്തു.
അതിലെ കീര്‍ത്തിടെ സ്റ്റോറി നോക്കിയതും.,
അവിടെ ആദിത്യന്‍റെ കൂടെയുള്ള കീര്‍ത്തിയുടെ സെല്‍ഫി ഫോട്ടോ ഇട്ടിട്ട്.,
” HBD Aadhi..& Luv U ”
എന്ന ക്യാപ്ഷനും.