പൊതുപ്രദര്‍ശനം 7 [Renish] 363

ഞാൻ അമ്മയോട് കിടന്നില്ലായിരുന്നോ എന്ന് ചോദിച്ചപ്പോൾ നാളത്തേക്കുള്ളതൊക്കെ കുറേ തയ്യാറാക്കി വെക്കുവായിരുന്നു എന്നും അവൾ എവിടെ എന്ന് ചോദിച്ചപ്പോൾ ഞാൻ അവൾ ഹിമയുടെ കൂടെ അവളുടെ വീട്ടിൽ നിന്നുകൊള്ളാം എന്ന് പറഞ്ഞു, ഹിമയുടെ അച്ഛനും അമ്മയും കൂടി എന്തോ കല്യാണത്തിനോ മറ്റോ പോയേക്കുകയാണെന്നും അമ്മയോട് തട്ടി വിട്ടു.

ഹിമ ഇടയ്ക്ക് ഇവളെ അവളുടെ വീട്ടിലേക്ക് വിളിക്കാറുള്ളതാണ് ഹിമയുടെ വീട്ടിൽ ആരും ഇല്ലാതെ വരുമ്പോൾ. അതുകൊണ്ടു അമ്മയ്ക്ക് കൂടുതൽ സംശയം ഒന്നും ഉണ്ടായില്ല. കതക് ലോക്ക് ചെയ്തു ഞാൻ മുകളിലേക്കും കയറി ‘അമ്മ മുറിയിലേക്കും പോയി കിടന്നു.

കുറച്ചു നേരം ഫോൺ നോക്കി ഇരുന്നിട്ട് ഞാൻ ഉറങ്ങി പോയി, ഇടക്കെപ്പോഴോ എഴുന്നേറ്റപ്പോൾ വെളുപ്പിന് അഞ്ചുമണി കഴിഞ്ഞിരുന്നു, ഞാൻ വാട്ട്സാപ്പിൽ ഋതുവിന്റെ ലാസ്‌റ് സീൻ നോക്കിയപ്പോൾ 2:48 AM, ഞാൻ അവൾക്ക് മെസ്സേജ് അയച്ചിട്ടു “എടീ എപ്പോഴാ വരേണ്ടത് എന്ന് ” രണ്ടു ടിക്ക് വന്നു ഡെലിവർ ആയെന്ന് ഉറപ്പായി,

കുറച്ചു സമയം കൂടി കഴിഞ്ഞു അഞ്ചര ആയപ്പോൾ ഞാൻ അവളെ വിളിച്ചു അവൾ എടുത്തില്ല. ഞാൻ കുറച്ചു നേരം കൂടി കിടന്നിട്ട് ആറു മണി ആകുന്നതിന് മുൻപ് എഴുന്നേറ്റു പല്ലൊക്കെ തേച്ചു ഇരുന്നു. ‘അമ്മ അടുക്കളയിൽ കയറി കുറച്ചു കഴിഞ്ഞപ്പോൾ ഞാൻ താഴേക്ക് ഇറങ്ങി ചെന്നു. ‘അമ്മ ചോദിച്ചു നീ എന്താ നേരത്തെ എഴുന്നേറ്റത്, ഞാൻ പറഞ്ഞു അവളെ വിളിക്കാൻ പോകണ്ടേ…’

അമ്മ ചോദിച്ചു അവൾ വിളിച്ചോ, സാധാരണ ഒൻപത് ഒക്കെ കഴിഞ്ഞല്ലേ അവളെ കൂട്ടികൊണ്ടു വരാൻ നീ പോകാറുള്ളൂ അവൾ ഹിമയുടെ വീട്ടിൽ നിൽക്കുമ്പോൾ. ഞാൻ പറഞ്ഞു ഇന്ന് അവരൊക്കെ വരുമല്ലോ നേരത്തെ വന്നു റെഡി ആകേണ്ടതല്ലേ. ‘അമ്മ അക്കാര്യം വിട്ടു പോയി എന്നിട്ട് അവളെ പോയി വിളിക്കാൻ പറഞ്ഞു. ഞാൻ ഒരു കട്ടനും തട്ടി ആ കടയുടെ അവിടേക്ക് ചെന്നു.