പ്രാണനാഥൻ നൽകിയ പരമാനന്ത സുഖങ്ങൾ 4 [Teller of tale] 110

താഴെ നിന്ന് ആരുടെയൊക്കെയോ സംസാരം അടുത്തുവരുന്നപോലെ. അവർ പെട്ടന്ന് കുതറിമാറി ഡ്രസ്സ് എല്ലാം വലിച്ചു കയറ്റി ഇട്ടു. റോഡിൽ നാലഞ്ചു ആൾക്കാർ കയ്യിൽ മുളവടിയും കുത്തി കയറി വരുന്നു. വേഷവിധാനത്തിൽ അത് നാട്ടുകാരാണെന്ന് അവർ തിരിച്ചറിഞ്ഞു.

“പ്രശ്നമാകുമോ ജിത്തേ?. “അല്പം പേടിയോടെ സാറ ജിത്തിനോട് ചോദിച്ചു.

“നിൽക്ക്, നമ്മൾ ടെൻഷൻ കാണിക്കരുത്. നോർമൽ ആയി നിൽക്കണം. അല്ലെങ്കിൽ അവർക്കു സംശയം ആകും.” ജിത്ത് സാറയെ അറിയിച്ചു. പെട്ടന്നവൻ താഴെ കിടന്ന ക്യാമറ എടുത്തു സാറയെ ഏൽപ്പിച്ചു. കുറച്ചകലെയായി വച്ചിരുന്ന സാറയുടെ ബാഗ് എടുത്തു തോളിൽ തൂക്കിയിട്ടു അവൻ സാറയുടെ അടുത്തേക്ക് ഓടിയെത്തി.

“നീയൊരു കാര്യം ചെയ്യ്. കുറച്ചു മുകളിലേക്കു കയറി നിന്ന് ഒന്ന് രണ്ടു ഫോട്ടോ എടുക്ക്. അവര് ചോദിച്ചാൽ ഫോട്ടോ എടുക്കാൻ വേണ്ടി വന്നതാണെന്ന് പറയാം.” ഒക്കെ പറഞ്ഞു സാറ കുറച്ചു മുകളിലേക്കു കയറി. അപ്പോളേക്കും അവർ നടന്നു കാറിന്റെ അടുത്തെത്തിയിരുന്നു. നടന്നു വന്നവർ സംശയത്തോടെ ഗ്ലാസിനുള്ളിലൂടെ കാറിന്റെ അകത്തേക്ക് വട്ടം കറങ്ങി നോക്കുന്നുണ്ട്. കൂട്ടത്തിൽ ഒരു പയ്യൻ ഡോറിൽ പിടിച്ചു വലിച്ചു നോക്കുന്നുമുണ്ട്.

തുറന്നുകിടന്നിരുന്ന സാറയുടെ ബാഗിന്റെ സിബ് ഇടാൻ തുടങ്ങിയപ്പോളാണ് അതിൽ ഒരു ലെറ്റർപാഡും പേനയും കിടക്കുന്നതു ജിത്ത് ശ്രദ്ധിച്ചത്. അപ്പോൾ തോന്നിയ ഒരു ബുദ്ധിയിൽ അവൻ ആ ലെറ്റർപാഡ് കയ്യിലെടുത്തു. മുകളിലേക്ക് കയറി നിൽക്കുന്ന സാറയെ നോക്കി അവൻ ഹിന്ദിയിൽ വിളിച്ചു ചോദിച്ചു.