പ്രാണനാഥൻ നൽകിയ പരമാനന്ത സുഖങ്ങൾ 4 [Teller of tale] 205

“നോ, നോ.. അമിത്.. പ്ലീസ്.. നോ നോ.. ആ…… ആ….” ജിൻസിയുടെ അലർച്ഛ സാറ ഒരു ഞെട്ടലോടെ കേട്ടു. ദൈവമേ.. ഈ പണ്ടാരങ്ങൾ ബിൽഡിങ്ങിൽ ഉള്ളവരെ കൂടെ ഉണർത്തുമോ?. ചെവിയും പൊത്തികിടന്നു സാറ എപ്പോളോ ഉറങ്ങിപ്പോയി.

രാവിലെ അലാറം കേട്ടുണർന്ന സാറ അഴിഞ്ഞുകിടന്ന മുടിയും കെട്ടി റൂം തുറന്നു അടുക്കളയിലേക്ക് നടന്നു. അവരുടെ റൂമിന്റെ വാതിൽ അടിച്ചിട്ടുണ്ട്. ടിഫിൻ കൊണ്ടുപോകാൻ വേണ്ടി എന്തെങ്കിലും ഉണ്ടാക്കാൻ തീരുമാനിച്ചു അവൾ അടുക്കളയിൽ എത്തി. ബ്രേക്ഫസ്റ്റിനു എന്തെങ്കിലും ജിൻസി തന്നെ ഉണ്ടാക്കികൊള്ളാമെന്നു തലേന്നേ സാറയെ അറിയിച്ചിട്ടുണ്ടായിരുന്നു. അവൾ ഒരു കോഫി ഉണ്ടാക്കിയപ്പോളേക്കും ജിൻസി എഴുനേറ്റു വന്നു. നടക്കാൻ പറ്റാത്തത് പോലെ വരുന്ന ജിൻസിയെ സാറ ഒന്ന് തുറിച്ചു നോക്കി.

“ഗുഡ് മോർണിംഗ് സാറ..” അവൾ വന്നു കിച്ചണിൽ കിടന്ന സ്റ്റുളിലേക്കിരുന്നു.

“നിനക്ക് കോഫി തരട്ടെ”. സാറ അവളെ നോക്കി. രാത്രിയിലെ പണി കഴിഞ്ഞതിന്റെ ക്ഷീണവും ആലസ്യവും അവളുടെ മുഖത്ത് ഉണ്ട്.

“ഹാ തന്നേര്..” അവൾ പാറിപറന്ന മുടികൾ ഒതുക്കികൊണ്ട് പറഞ്ഞു.

സാറ ഒരു കപ്പ് കോഫി പകർന്ന് അവളുടെ നേരെ നീട്ടി. അവളതു കയ്യിൽ വാങ്ങി, അപ്പാടെ മൊത്തി കുടിച്ചു.

“ശ്ശി.. പോയി വാ കഴുകീട്ടു വാ പെണ്ണേ..” സാറ അതുകണ്ടു മുഖം ചുളുക്കി.

“ഓ.. വാ പിന്നെ കഴുകാം. നല്ല ക്ഷീണം.” ജിൻസി അവളെ നോക്കി കണ്ണിറുക്കി.

“നിനക്ക് ആ വാതിൽ അടച്ചിട്ടിട്ടു ആയിക്കൂടെ കോപ്രായം. അതേ, ഇവിടെ അടുത്തൊക്കെ താമസക്കാരുള്ളതാ.. അതൂടെ ഓർത്തോണം..” സാറ അല്പം ദേഷ്യത്തിൽത്തന്നെ അവളോട് പറഞ്ഞു.