?പ്രസൂതാ [Ghost rider] 302

പോലീസിൽ ഒക്കെ അറിയിച്ചു.പക്ഷെ അവളെ കിട്ടിയില്ല.ആ സമയവും രാജു ഭായി എന്റെ കൂടെ തന്നെ സപ്പോർട്ട് ആയി നിന്നു.

പിന്നെ?’ വിറയ്ക്കുന്ന സ്വരത്തിൽ പ്രീത ചോദിച്ചു

, ചില രാത്രികളിൽ മദ്യപിച്ച ശേഷം അയാൾ എന്നെ നിർബന്ധിച്ച് മടിയിൽ ഇരുത്തി ബലമായി ഉമ്മവയ്ക്കും . എനിക്കായാളെ അറപ്പാ..സലിം ഓർമ്മയിൽ വിറച്ചു,

അങ്ങനെയിരിക്കെ, ഒരു ദിവസം രാജു ഭായ് എന്നെ കാളിഘട്ടിലേക്ക് (വേശ്യാവൃത്തിക്ക് പേരുകേട്ട ഒരു പ്രദേശം) കൊണ്ടു പോയി…

ഞങ്ങൾ മടങ്ങുമ്പോൾ തെരുവിൽ പെൺകുട്ടികൾ നിരനിരയായി നിൽക്കുന്നുണ്ടായിരുന്നു. എനിക്ക് ഉറപ്പില്ല, പക്ഷേ, ഒരു നിമിഷനേരത്തേക്ക്, എൻ്റെ സഹോദരി അവരുടെ ഇടയിൽ നിൽക്കുന്നത് പോലെ എനിക്ക് തോന്നി . ഞാൻ അവളുടെ അടുത്തേക്ക് ഓടാൻ ഒരുങ്ങി, പക്ഷേ രാജു ഭായ് എൻ്റെ കൈ പിടിച്ചു വലിച്ചു. ഞാൻ ആ പെൺകുട്ടിയെ വിളിച്ചു, പക്ഷേ അവൾ വേഗം തിരിഞ്ഞു നടന്നു, “ഇത് കേട്ടതും പ്രീതയ്ക്ക് ഓക്കാനം തോന്നി.

“അന്ന് രാജു ഭായ് എന്നെ ബെൽറ്റ്‌ കൊണ്ട് അടിച്ച് മുറിയിൽ പൂട്ടിയിട്ടു. പിന്നെ, രാത്രിയായപ്പോൾ, അവൻ വീണ്ടും … ഭയങ്കരമായി മദ്യപിച്ചു വന്നു…എന്നെ…..

പ്രീത കൂടുതൽ കേൾക്കാൻ ആഗ്രഹിച്ചില്ല. അവന്റെ കൈയിൽ തൊട്ടുകൊണ്ട് അവൾ അവന്റെ സംസാരം തടസ്സപ്പെടുത്തി.

കുഴപ്പമില്ല, ഇനി പറയേണ്ട.’ പ്രീത പറഞ്ഞു. ‘അതിന് ശേഷം എപ്പോഴെങ്കിലും നിൻ്റെ പെങ്ങളെ കണ്ടോ?’ അവൾ ആശങ്കയോടെ ചോദിച്ചു.

കുറച്ച് നിമിഷങ്ങൾ, കുട്ടി ഒരു ശൂന്യ ഭാവത്തോടെ അവളെ നോക്കി. “അതെ…. ആ സംഭവത്തിന് ഏകദേശം മൂന്ന് മാസത്തിന് ശേഷം, ചേച്ചി രണ്ട് പേരുമായി ചേരിയിലേക്ക് മടങ്ങി വന്നു . അവർ രാജു ഭായിയെ അന്വേഷിച്ച വന്നത്. അവർ അവനെ ഒരുപാട് തല്ലി . എൻ്റെ സഹോദരി എന്നെ അവിടെ നിന്ന് കൊണ്ടുപോയി.

അല്പം ആശ്വാസം തോന്നിയപ്പോൾ പ്രീത നെടുവീർപ്പിട്ടു.

‘ചായക്കടയിൽ താമസിക്കാതെ നീയെന്താ പിന്നെ ചേച്ചിയുടെ കൂടെ താമസിക്കാതിരുന്നത്?’

മറുപടി പറയുമ്പോൾ കുട്ടി ചെറുതായി വിറച്ചു.