പ്രിയമാനസം [അഭിമന്യു] asper author request 328

രാത്രി 7.45 ഓടെ ട്രെയിൻ കൊല്ലം റെയിൽവേ സ്റ്റേഷനിൽ എത്തി..

പ്രിയൻ പുറത്തു വന്നു പാർക്കിങ്ങിൽ വച്ചിരിക്ക്കുന്ന തന്റെ yamaha fz-16 നും മെടുത്തു വീട്ടിലേക്കു പുറപ്പെട്ടു.. കൊല്ലത്തുനിന്നും ഏകദേശം 10 മിന്റ് ദൂരമേയുള്ളൂ കടവൂരുള്ള പ്രിയന്റെ പുത്തൻപുരക്കൽ തറവാട്ടിലേക്ക്..

ഏകദേശം 8 മണിയോടെ പ്രിയൻ തറവാട്ടിലെത്തി.. ബൈക്ക് വെച്ച ശേഷം അവൻ വീടിനുള്ളിലേക്ക് കടന്നു..

ഹാളിൽ പ്രിയന്റെ വരവും കാത്തു പ്രതാപനും ശരികയും ഇരിപ്പുണ്ടായിരുന്നു.

പ്രിയൻ വന്നു അവർക്കൊപ്പമിരുന്നു.

“എന്തായി നീ സുഭയെ കണ്ടോ.. ”

പ്രതാപന്റെ വകയായിരുന്നു ചോദ്യം.

“ഹ്മ്മ്.. ”

പ്രിയനോന്നു മൂളി..

“സുഭാ.. എന്തു പറഞ്ഞട അവള് വരില്ലേ ”

ശാരി ചോദിച്ചു..

“മ്മ്മ്.. വരും “”

അവനങ്ങനെ പറയാനാണ് തോന്നിയത്.

“നിന്റെ മുഖമെന്താ വല്ലാണ്ടിരിക്കുന്നെ ”

ശാരി പ്രിയന്റെ മുഖമൊന്നു ഉയർത്തി ചോദിച്ചു.

“ഒന്നുമില്ലമ്മേ, അമ്മായി വരാമെന്നു പറഞ്ഞു.. പക്ഷേ”

“എന്താടാ എന്ത് പറ്റി, അവൾ എന്താ പറഞ്ഞെ ”

പ്രതാപൻ ചോദിച്ചു.

” അമ്മായിക്ക് ഒരു പ്രശനവുമില്ല, നമ്മളോട് ഒരു പിണക്കവുമില്ല പക്ഷേ ചാരു അവൾക്കു നമ്മളോട് നല്ല ദേഷ്യമാണ്… ”

“എന്താ മോനേ ചാരു മോനേ വല്ലതും പറഞ്ഞോ.”

“ഇല്ലമ്മേ അവളൊന്നും പറഞ്ഞില്ല പക്ഷേ, അവളുടെ കണ്ണിലും പ്രവർത്തിയിലും നമ്മളോടുള്ള ദേശ്യം മനസ്സിലാക്കാൻ പറ്റും, ”

പ്രിയൻ വിഷമത്തോടെ പറഞ്ഞു

“അതിൽ അത്ഭുതം തോന്നേണ്ട ശാരി.. അവളുടെ അച്ഛന്റെ മരണത്തിനു കരണക്കാരനായവരോട്, അവൾക്കു ദേശ്യമില്ലാതിരിക്കുമോ “.

അതും പറഞ്ഞു പ്രതാപൻ എഴുനേറ്റു തന്റെ മുറിയിലേക്ക് പോയി..

“അച്ഛന് നല്ല വിഷമമുണ്ട് മോനേ, ഇപ്പോൾ പ്രേം മായി ഒരു സംസാരമുണ്ടായി, നീ പോയ കാര്യം അവനറിഞ്ഞു, അവൻ അച്ഛനോട് ദേശിച്ച പോയത് “.

“ഹ്മ്മ് ” അമ്മേ നല്ല യാത്ര ക്ഷീണമുണ്ട്, ഞാനൊന്നു കിടക്കട്ടെ, ”

“നീയൊന്നും കഴിക്കുന്നില്ലേ മോനേ?? “