പുനർജനി [വേദ] 451

മീന എന്നെ തടഞ്ഞു. “ഇപ്പോൾ വേണ്ട മനു. നമുക്ക് സമയമുണ്ട്. നീ ആദ്യം ഇവിടെ ഒന്ന് സെറ്റിൽ ആകൂ.”

അവൾ എന്നെ സമാധാനിപ്പിക്കാൻ ശ്രമിച്ചു. “നീ വിഷമിക്കേണ്ട, നിനക്ക് വേണ്ടതെല്ലാം ഞാൻ ശരിയാക്കാം. വിശ്വസിക്കൂ.”

അവളുടെ വാക്കുകളിൽ എന്തൊക്കെയോ അർത്ഥങ്ങൾ ഒളിഞ്ഞിരിക്കുന്നതുപോലെ എനിക്ക് തോന്നി.

“മക്കളെയോ? ചേച്ചിക്ക് മായയല്ലാതെ മറ്റൊരു കുട്ടിയുണ്ടോ?”

മീന ഒന്ന് പരുങ്ങി. അവളുടെ മുഖത്ത് ഒരു നിമിഷം ഭയം മിന്നിമറഞ്ഞെങ്കിലും അവൾ പെട്ടെന്ന് തന്നെ അത് മറച്ചുപിടിച്ചു.

“അതെ മനു, എനിക്ക് രണ്ട് പെൺമക്കളാണ്,” അവൾ വളരെ സ്വാഭാവികമായി പറയാൻ ശ്രമിച്ചു. “മൂത്ത മകൾ മന്യ വിവാഹം കഴിഞ്ഞു പോയി. അവൾ ഭർത്താവിനൊപ്പം വിദേശത്താണ്. മായയാണ് ഇളയവൾ. അവൾ എൻ്റെ കൂടെയുണ്ട്.”

” ഞാൻ മായയെ കണ്ടപ്പോൾ മന്യ ആണെന്ന് കരുതി. ” ഞാൻ ചിരിച്ചു പറഞ്ഞു. ” അന്ന് മന്യ മാത്രമല്ലെ ചേച്ചിക്കുള്ളൂ. ”

” ഞാൻ നിനക്ക് ചായ ഉണ്ടാക്കി തരാം ” ചേച്ചി ധൃതിയിൽ അടുക്കളയിലേക്ക് നടന്നു.

ഞാൻ ആ ചെറിയ വീട് ഒന്ന് നടന്ന് കണ്ടു.

——-

ഭാഗം 6: ചേച്ചിയുടെ സ്നേഹം

മീന ചേച്ചി എന്നോട് കുറച്ചു ദിവസം അവരുടെ വീട്ടിൽ താമസിക്കാൻ പറഞ്ഞു. അത് കേട്ടപ്പോൾ എനിക്ക് വലിയ ആശ്വാസം തോന്നി. മായയെ അവളുടെ കുടുംബ വീട്ടിലേക്ക് പറഞ്ഞുവിട്ട്, ഞങ്ങൾക്ക് മാത്രമായി അവൾ സമയം കണ്ടെത്തി.

അടുത്ത കുറച്ചു ദിവസങ്ങൾ സ്വർഗ്ഗതുല്യമായിരുന്നു. ചേച്ചി പൂർണ്ണമായും ഒരു അമ്മയെപ്പോലെ എന്നെ പരിചരിച്ചു. വർഷങ്ങളായി എനിക്ക് നഷ്ടപ്പെട്ട സ്നേഹവും കരുതലുമാണ് അവർ എനിക്ക് തന്നത്. ചേച്ചി എനിക്ക് ഇഷ്ടപ്പെട്ട ഭക്ഷണങ്ങൾ ഉണ്ടാക്കിത്തന്നു, സ്വന്തം കൈകൊണ്ട് എനിക്ക് വാരിത്തന്നു. ആ കൈകളുടെ സ്പർശനം പോലും എനിക്ക് അമൃത് പോലെ തോന്നി.