പുനർജ്ജന്മം 2 [ജോൺ എബ്രഹാം] 41

രാഹുൽ സ്റ്റെപ് ഇറങ്ങി മുറ്റത്തേക്കെത്തിയപ്പോൾ ആണ് അങ്കിൾ വരുന്നത്..
അങ്കിൾ തന്റെ ബെൻസ് കാർ സാവധാനം പോർച്ചിലേക്ക് കയറ്റി നിർത്തി പുറത്തിറങ്ങി. രാഹുലിനെ കണ്ടതും ആ മുഖത്ത് ഒരു ചിരി വിരിഞ്ഞു.

​അങ്കിൾ: “എന്താടാ രാഹുലേ… ഇന്ന് ഫസ്റ്റ് ഡേ ആണല്ലേ? നേരത്തെ ഇറങ്ങിയോ..?
​രാഹുൽ: “അതെ അങ്കിൾ, പുതിയ ഓഫീസിലെ ആദ്യത്തെ ദിവസമാണ്. ബൈക്ക് നാട്ടിലാണ്, ഇങ്ങോട്ടേക്ക് കൊണ്ടുവരാൻ ഇതുവരെ പറ്റിയില്ല. അതിന് എന്തെങ്കിലും ഏർപ്പാട് ചെയ്യണം. അതുവരെ തൽക്കാലം ബസിന് പോകാമെന്ന് കരുതി.”
​അങ്കിൾ തന്റെ പോക്കറ്റിൽ നിന്ന് കാറിന്റെ ചാവി കറക്കിക്കൊണ്ട് ഒന്ന് ആലോചിച്ചു.
​അങ്കിൾ: “എടാ… നീ എന്തിനാ ബസ് പിടിച്ചു കഷ്ടപ്പെടുന്നത്? ഒരു കാര്യം ചെയ്യ്, എന്റെ സ്കൂട്ടർ ഇവിടെ വെറുതെ ഇരിക്കുകയല്ലേ. നീ അത് കൊണ്ടുപോയ്ക്കോ. ബൈക്ക് ഇങ്ങോട്ട് കൊണ്ടുവരുന്നത് വരെ നീ അത് ഉപയോഗിച്ചോ.”

​രാഹുൽ: (ഒന്ന് മടിച്ചു) “അത്… അങ്കിളിന് ബുദ്ധിമുട്ടാവില്ലേ? അങ്കിളിന് പുറത്ത് പോകാൻ അത് വേണ്ടേ?”

​അങ്കിൾ രാഹുലിന്റെ തോളിൽ കൈവെച്ച് ഒന്ന് ചിരിച്ചു. അയാളുടെ നോട്ടം പതുക്കെ മുകളിൽ ബാൽക്കണിയിൽ നിൽക്കുന്ന മീരയിലേക്ക് ഒന്ന് പാളിപ്പോയി.

​അങ്കിൾ: “എടാ… നമ്മൾ ഇപ്പോൾ ഒരേ വീട്ടിലല്ലേ താമസിക്കുന്നത്? നമ്മുടെ സാധനങ്ങൾ അങ്ങോട്ടും ഇങ്ങോട്ടും മാറി ഉപയോഗിച്ചു എന്ന് കരുതി ഇപ്പോൾ എന്താണ്? നീ അതൊന്നും ആലോചിച്ച് വിഷമിക്കണ്ട. ഒരു മിനിറ്റ് നിൽക്ക്, ഞാൻ ഇപ്പോൾ അതിന്റെ കീ എടുത്തു തരാം.”