പുതുരാഗം.. പുതുവർണം.. 1 [സ്പൾബർ] 708

അലൻ കുറേയേറെ മാറിയെങ്കിലും സായിയെപ്പോലെ ഒത്തൊരു പുരുഷനായില്ല..

അവനിപ്പഴും പേടി മാറിയിട്ടില്ലായിരുന്നു..

ആഴ്ചയിൽ ഒന്ന് വീതം അടിയുണ്ടാക്കുന്ന സായിയുടെ സ്വഭാവവും അവനുണ്ടായില്ല..

 എഞ്ചിനിയറിംഗ് പഠനം കഴിഞ്ഞാലും, തേങ്ങയെക്കാൾ കൂടുതൽ എഞ്ചിനിയർമാരുള്ള കേരളത്തിൽ പെട്ടെന്നൊരു ജോലി കിട്ടുക എളുപ്പമല്ലെന്ന് സായിക്ക് മനസിലായിരുന്നു..

അത് കൊണ്ട് തന്നെ പഠനം പൂർത്തിയാക്കുന്നതിന് മുൻപ് തന്നെ അവൻ അലനെയും കൂട്ടി ഒരു ബിസിനസ് ഐഡിയ പ്ലാൻ ചെയ്തിരുന്നു..

 ടൗണിൽ ഇവരുടെ തന്നെ ബിൽഡിംഗിൽ ഒരു ജെന്റ്സ് റെഡിമേഡ് കടയാണ് അവൻ പ്ലാൻ ചെയ്തത്.. അവന്റെയൊരു കൂട്ടുകാരന് അത്തരം ഒരു കടയുണ്ട്.. അവനോട് ചോദിച്ച് സായി കാര്യങ്ങളെല്ലാം മനസിലാക്കി..

അതിന്റെ ഗുണവശങ്ങൾ അവൻ അലനെ നിരന്തരം പറഞ്ഞ് ബോധ്യപ്പെടുത്തി..ഒടുവിൽ അലൻ വീട്ടിൽ കാര്യം അവതരിപ്പിച്ചു..

  എപ്പഴത്തേയും പോലെ ഇതും ലിസിക്ക് സന്തോഷമാണുണ്ടാക്കിയത്..

എന്നാൽ അലീന ഇത് വിളിച്ച് പറഞ്ഞ് അറിഞ്ഞ ജോബി എതിർത്തു..

അലന് ബിസിനസിന് താൽപര്യമുണ്ടെങ്കിൽ ഗൾഫിലേക്ക് പോന്ന് ഇവിടുത്തെ ബിസിനസ് നടത്താം എന്നാണ് ജോബി പറഞ്ഞത്..

പക്ഷേ, അലനെ ഗൾഫിലേക്കയക്കാൻ ലിസിക്ക് താൽപര്യമില്ലായിരുന്നു.. അവൻ എന്നും തന്റെ കൺമുന്നിൽ തന്നെ വേണം എന്നാണവൾ ആഗ്രഹിച്ചത്..

ഇതിന്റെ പേരിൽ ജോബിയോട് അവൾക്കൽപം മുഷിയേണ്ടിയും വന്നു..

 അന്ന് വൈകീട്ട് വീട്ടിലേക്ക് വന്ന സായിയോട് ബിസിനസിനെ പറ്റിയെല്ലാം ലിസി ചോദിച്ച് മനസിലാക്കി..