പുതുരാഗം.. പുതുവർണം.. 3 [സ്പൾബർ] [Climax] 394

 

 

അഞ്ച് മിനിറ്റിനകം ലിസി തിരിച്ച് വന്നു..

 

 

“” സായീ… നീ കഴിച്ചിട്ട് എന്റെ ബാത്ത്റൂമിലൊന്ന് നോക്കണേ…

പൈപ്പിൽ ശരിക്ക് വെള്ളം

വരുന്നില്ല… “..

 

 

ആർത്തിയോടെ സായിയുടെ കണ്ണിലേക്ക് നോക്കി അതും പറഞ്ഞ് ലിസി പ്ലേറ്റുമെടുത്ത് അടുക്കളയിലേക്ക് നടന്നു.. സായിക്ക് പ്രത്യേകിച്ചൊന്നും തോന്നിയില്ല.അലീനക്കും..

 

അലൻ എണീറ്റതിന് പിന്നാലെ അലീനയും എണീറ്റു..

അവൾകൈകഴുകി മുകളിലേക്ക് പോയി..

ഇന്നലെ തീരെ ഉറങ്ങിയിട്ടില്ല. അതിന്റെ ഒരു ക്ഷീണമുണ്ടവൾക്ക്.. ഇന്ന് ഉച്ചവരെയെങ്കിലും ഉറങ്ങണം എന്ന തീരുമാനത്തോടെ അവൾ മുറിയിൽ കയറി വാതിലടച്ചു.. അലനും മുകളിലേക്ക് പോയി..

അവനിനി ഏതേലും പുസ്തകത്തിലേക്ക് മുഖം പൂഴ്ത്തും..

 

 

സായി എണീറ്റ് കൈകഴുകി പതിയെ ലിസിയുടെ ബാത്ത്റൂമിലേക്ക് പോയി..

ഇത്തരം ചെറിയ ജോലിയൊക്കെ അവനാണ് ചെയ്യുന്നത്.. വയറിംഗിൽ എന്തേലും തകരാറോ, മോട്ടോറിൽ വെള്ളമെടുക്കുന്നില്ലെങ്കിലോ, വാതിലിന്റെ ലോക്ക് കേട് വന്നാലോ എല്ലാം ശരിയാക്കുന്നത് സായിയാണ്..

 

 

ബാത്ത്റൂമിൽ രണ്ട് മൂന്ന് ടാപ്പുണ്ട്..

അതിലേതാണ് തകരാറെന്ന് സായിക്കറിയില്ല..

ആദ്യം അവൻ ഷവറിന്റെ ടാപ്പ് തിരിച്ച് നോക്കി..അതിന് പ്രശ്നമൊന്നുമില്ല.. ക്ലോസറ്റിനടുത്തുള്ള ടാപ്പിനും പ്രശ്നമില്ല..

കുറച്ചപ്പുറെ കുളിക്കാൻ ബക്കറ്റിലേക്ക് വെള്ളമെടുക്കുന്ന ടാപ്പിലേക്കവൻ നോക്കി..

ആദ്യം ഒന്നും മനസിലായില്ലെങ്കിലും,ഒന്നുകൂടി നോക്കിയ അവൻ വീഴാതിരിക്കാനായി ടൈൽസൊട്ടിച്ച ചുവരിൽ പരതിപ്പിടിച്ചു..