“” പ്രിയ വായനക്കാരെ ,FATE , മിസ്റ്ററി , എന്നീ സ്റ്റോറികൾക്ക് ശേഷം ഞാൻ നിങ്ങളുടെ മുന്നിൽ വീണ്ടും അടുത്ത പരീക്ഷണവുമായി എത്തിയിരിക്കുകയാണ്…
നിങ്ങൾ എല്ലാവരുടെയും പിന്തുണ ഒന്ന് കൊണ്ട് മാത്രമാണ് ഞാൻ വീണ്ടും ഒരു ശ്രമത്തിന് മുതിർന്നത്……കൂടെ ഉണ്ടാവണേ ??..”” കഥയുടെ പൂർണ്ണതക്ക് വേണ്ടി , പലയിടങ്ങളിലും , പുരാണവും ഐതിഹ്യവും ഉൾക്കൊള്ളിക്കേണ്ടി വന്നിട്ടുണ്ട് .. അത് ബോർ ആയി തോന്നുന്നുണ്ടെങ്കിൽ ഞാൻ ആദ്യമേ ക്ഷമ ചോദിക്കുന്നു…… “••••••••••••••••••••••••••• 

“” കോളേജ് മുറ്റത്തെ ആൽമരചുവട്ടിൽ വലത്തേ ചൂണ്ടുവിരലിലെ നഖവും കടിച് ഉറ്റ ചങ്ക് അർജുനെയും നോക്കി അക്ഷമനായി ഇരിക്കുകയാണ് ഞാൻ….. …….

ഇന്നലെ രാത്രി പെയ്ത മഴയിൽ മണ്ണിലേക്ക് അലിഞ്ഞു ചേരാൻ വിസമ്മതിച് ആ ആലിൽ ഒളിച്ചിരുന്ന വെള്ളത്തുള്ളികളൊക്കെ എന്റെ ക്ഷമ പരീക്ഷിക്കാൻ എന്നോണം കൃത്യമായി എന്റെ തലയിൽ തന്നെ വന്ന് വീഴുന്നുണ്ടായിരുന്നു ….. വടക്കോട്ട് ചാഞ് നിക്കുന്ന ചാമ്പ മരത്തിന്റെ കടും റോസ് നിറത്തിലുള്ള പൂക്കൾ വീണുകിടന്ന് പരവതാനി വിരിച്ച പോലെയുള്ള കോളേജിന്റെ കവാടം കടന്നുള്ള വഴി….., സമയം 6.30 ആയിട്ടേ ഉളളൂ എങ്കിലും സൂര്യഭഗവാൻ നേരത്തെ ഭൂമിദേവിക്ക് ദർശനം നൽകിയതിന്റെ പേരിൽ അവിടെ മൊത്തം പ്രകാശഭരിതമായിരുന്നു.., രാവിലെതന്നെ , തന്റെ കണ്ണ് പോലും തുറക്കാത്ത വായിൽ നിന്നും നേർത്ത ശബ്ദം മാത്രം പാട്ട് പോലെ പാടാൻ കഴിവുള്ള തന്റെ കുട്ടികൾക്ക് തീറ്റ തേടി പോകുന്ന ഏതോ കിളികൾ……….. , അവരുടെ മക്കളോടുള്ള യാത്ര പറച്ചിലായിരുന്നിരിക്കണം ആ കലപില ശബ്ദം…………………. എന്തായിരിക്കുമല്ലേ.., കുഞ്ഞ് കിളികൾക്ക് ആ തള്ളക്കിളി കൊടുക്കുന്ന ഉപദേശങ്ങൾ…. “” ഞാൻ വെറുതെ അതൊക്കെ ഒന്നോർത്തു നോക്കി , അതൊന്ന് ആസ്വദിക്കാനുള്ള ശ്രമം നടത്തി …..

“”” ഇല്ല……. പറ്റുന്നില്ല …… എനിക്കിപ്പോ ഒന്നും ആസ്വദിക്കാനാവുന്നില്ല….. ‘”

അല്ല , എങ്ങനെ ആസ്വദിക്കാൻ കഴിയും…, പുറമേ അന്തരീക്ഷത്തിൽ ജലകണങ്ങളുടെ അംശം തിങ്ങി നിന്നിരുന്നുവെങ്കിലും , ആ മന്ദമാരുതൻ അവയെയും വഹിച്ചു അവിടെ മുഴുവൻ നടന്നിരുന്നുവെങ്കിലും , രാത്രിയുടെ മൂന്നാം യാമത്തിൽ പെയ്തിറങ്ങിയ മഞ്ഞിന്റെ കുളിരിവിടെ ഇപ്പോഴും അവശേഷിച്ചിരുന്നെങ്കിലും …, തീയല്ലേ എന്റെ ഉള്ളിൽ….. കൊടും തീ…….. ആ നശിച്ചവള് കൊളുത്തിയ ഒരിക്കലും കെടാത്ത തീ….. എന്റെ അഭിമാനത്തെ മൊത്തം എരിഞ്ഞ് ഇല്ലാതാക്കിയ തീ……. അതെന്നിൽ ഉറങ്ങുമ്പോഴും , ഉറക്കമുണരുമ്പോഴും … എപ്പോഴും ഇങ്ങനെ കെടാതെ തീവ്രമായിൽ ജ്വലിക്കുമ്പോൾ എങ്ങനെ ആസ്വാദിക്കാനാണ് ഞാൻ ഇതൊക്കെ …….. ഇല്ല ….. എത്ര ശ്രമിച്ചിട്ടും എനിക്കതിനു സാധിക്കുന്നില്ല ….

“” എല്ലാത്തിനും കാരണം അവളാണ്…. തന്റെ മാനത്തെ ചുട്ടെരിച്ചവൾ … തന്നെ ബഹുമാനത്തോടെ നോക്കി കണ്ടവരൊക്കെ ഇപ്പൊ പുച്ഛത്തോടെ നോക്കുന്നു …