രണം [Vishnu] 220

 

 

“മ്മ്മ് എന്ത് ആയാലും എന്റെ ജീവിതം അത് കൊണ്ടുപോയില്ലേ…”

 

അത് കേട്ടതും മാധവ് എഴുനേറ്റു

 

“നിനക്ക് ഇപ്പൊ എന്താ വേണ്ടത് …അവളുമായി ഉള്ള ഈ പ്രശനം തീർക്കണം…അത്രയല്ലേ ഉള്ളു.

ഞാൻ തന്നെ തീർത്തു തരാം.. ഞാനും എന്റെ ബീസ്റ്റും കാരണം ഉണ്ടയത് നമ്മൾ തന്നെ തീർത്തോളാം.. “

 

അത് കേട്ട നന്ദൻ അവനെ നോക്കി

 

“ഡാ…ചില പ്രശ്നങ്ങൾ തനിയെ തീരുന്നതല്ലെ നല്ലത്”

 

“പറ്റില്ല…ഞാൻ കാരണം ഉണ്ടായത് അല്ലെ…അത് ഞാൻ തന്നെ ഇവനുവേണ്ടി തീർത്തു കൊടുക്കണം “

 

അത് പറഞ്ഞു അവൻ കണ്ണുകൾ അടച്ചുകൊണ്ട് നേരെ ഇരുന്നു

 

ആദി നന്ദനെ നോക്കി എന്താണ് കാര്യം എന്നപോലെ.. എന്നാൽ അവൻ വെയിറ്റ് ചേയെന്ന പോലെ കാണിച്ചു..

 

പെട്ടെന്നാണ് അവൻ കണ്ണുതുറന്നത്..

 

“പ്ലാൻ ശ്രുതി…. ഒന്നുമില്ല.. നമ്മൾ നേരെ പോകുന്നു ഒരു സോറി പറയുന്നു…വിരോധമില്ലെങ്കിൽ ഒരു കോഫി കുടിച്ചാലോ എന്ന് പറഞ്ഞു ഒരു കോഫി ഷോപ്പിലേക് കൊണ്ടുപോകുന്നു.. ഒരു കോഫീ മേടിച്ചു രണ്ട് പേരും കുടിക്കുന്നു.. ചിരിക്കുന്നു സംസാരിക്കുന്നു…പിരിയുന്നു…എങ്ങനെയുണ്ട്…”

 

അത് കേട്ട ആദി നന്ദനെയും മാധവിനെയും മാറി മാറി നോക്കി

 

“അതിനു വേറെ ഒരു പേര് കൂടെയുണ്ട്…ഡേറ്റിംഗ് …”

 

“അത് തന്നെയാണ് പ്ലാൻ…അവൾ ഒരു സോറി മാത്രം വിചാരിക്കും നമ്മൾ അപ്പൊ ഒരു പ്രൊപോസൽ സ്റ്റാർട്ടിങ് കൂടെ ഇട്ടു കൊടുക്കും.. “

 

“അവൾ ആ കോഫി എന്റെ മുഖത്ത് ഒഴുകും “

 

ആദി അത് പറഞ്ഞതും രണ്ട് പേരും ചിരിച്ചു