രണ്ടാം വരവ് നവവധു 2 Part 3

Randaam Varavu Navavadhu 2 Part 3 | Author : JO

Previous Parts

ഹായ് ഫ്രണ്ട്സ്… ഞാൻ വീണ്ടും വന്നു… പതിവുപോലെ കാത്തിരിപ്പിച്ചതിന് ക്ഷമാപണം. അല്ലെങ്കിലും സ്ഥിരമാകുമ്പോ അത് പിന്നൊരു തെറ്റല്ലല്ലോ അല്ലെ… അപ്പൊ എന്തായാലും പതിവ് തെറിവിളികൾക്കായി കാത്തിരിക്കുന്നു… ജീവിതത്തിൽ ആദ്യമായി പലവട്ടം മാറ്റിയെഴുതിയ മറ്റൊരു കഥയില്ല. ഒറ്റയടിക്ക് എഴുതാനുള്ള കഴിവ് എവിടെയൊക്കെയോ നഷ്ടപ്പെട്ടപോലെ… അതോ ജോലിതിരക്ക് പകരുന്ന മടിയോ…. അറിയില്ല… എന്തായാലും ക്ഷമിക്കുക… ഇനിയും പറഞ്ഞു മുഷിപ്പിക്കുന്നില്ല… നവവധുവിന്റെ അടുത്ത ഭാഗമിതാ…

ഫോണിലേക്ക് നോക്കി കുറച്ചു സമയം ഞാനിരുന്നു. എടുക്കണോ വേണ്ടയോ എന്ന ആലോചന മുറുകുന്നതിനിടെ ആ കോൾ കട്ടായത് ഞാനറിഞ്ഞു. മനസ്സ് വീണ്ടും ശോകമൂകമാവുകയാണ്. ഇനിയൊരിക്കലും കാണാൻ ഇടവരരുതെന്നു കരുതിയ ഫോൺകോൾ… ഒരിക്കലും കേൾക്കാനിഷ്ടപ്പെടാത്ത ശബ്ദം… കാണാൻ കൊതിക്കാത്ത രൂപം… അവയെല്ലാം ഒരുമിച്ച് വീണ്ടും മനസ്സിലേക്ക് തള്ളിക്കയറി വരുന്നത് ഞാനറിഞ്ഞു. എന്തോ ആകെയൊരു വിമ്മിഷ്ടം പോലെ… ചേച്ചിയെ എനിക്ക് നഷ്ടപ്പെടുമെന്നൊരു തോന്നൽ…

ഒരുവേള എനിക്കവളെ ചേച്ചിയെക്കാൾ ഇഷ്ടമായിരുന്നോ???… ആ ചോദ്യം മനസ്സിനെ വല്ലാതെ ചൂഴ്ന്നുതിന്നാൻ തുടങ്ങിയപ്പോൾ അറിയാതെ കട്ടിലിന്റെക്രാസിയിലേക്ക് തലചായ്ച്ചു കണ്ണടച്ചു.

ഉറങ്ങിയോ സാറേ…??? ചേച്ചിയുടെ സ്വരം തൊട്ടടുത്തു മുഴങ്ങിയപ്പോഴാണ് കണ്ണുതുറന്നത്. ഞാനാ മുഖത്തേക്ക് നോക്കി. ഒന്നുമറിയാതെ നിറഞ്ഞ ചിരിയോടെ നിൽക്കുന്നു. ആ മുഖത്തുനോക്കി എന്തു പറയണമെന്നറിയാതെ ഞാൻ കുഴങ്ങി.

ഉം…??? പെട്ടന്നെന്നാ പറ്റി???മുഖമാകെ വല്ലാതായല്ലോ???

ഏയ്.. ഒന്നൂല്ല.

ഏയ് അല്ല… എന്തോ ഉണ്ട്. എന്റെ ജോക്കുട്ടന്റെ മുഖം മാറിയാൽ എനിക്കറിയില്ലേ???…ഉം.. പറ… എന്നാ പറ്റി..??? ഉറക്കം വരുന്നുണ്ടോ???

ങ്ഹും… ഞാൻ ഒന്നുമില്ലന്ന മട്ടിലൊന്നു മൂളിയെങ്കിലും ചേച്ചി വന്നെന്റെ അടുത്തായി ഇരുന്നു.

ഒരു തലവേദന പോലെ… നീയൊരു പാരസെറ്റമോളിങ്ങേടുത്തെ…

എന്തെങ്കിലും കാരണം പറഞ്ഞില്ലെങ്കിൽ ചേച്ചി തൃപ്തയാവില്ല എന്നുറപ്പായതിനാൽ ഞാനൊരു കാരണമങ്ങു പറഞ്ഞു. അക്ഷരാർദ്ധത്തിൽ ചേച്ചിയോട് റോസിനെക്കുറിച്ചു പറഞ്ഞ് ആ മനസ്സ് വിഷമിപ്പിക്കാൻ ഞാനൊരുക്കമായിരുന്നില്ല എന്നതുതന്നെ കാരണം. വേറെ എന്തെങ്കിലും പറഞ്ഞാൽ കുത്തിക്കുത്തി ചോദിച്ച് ചേച്ചിയതെന്റെ നാവിൽനിന്നത് വീഴിക്കുമെന്നുഞാൻ ഭയപ്പെട്ടു.

ഞാനൊരായിരംവട്ടം പറഞ്ഞിട്ടൊണ്ട് ഈ വേണ്ടതിനും വേണ്ടാത്തതിനുമൊക്കെ പാരസെറ്റമോൾ കുത്തിക്കയറ്റരുതെന്ന്….

ഹാ നീ കലിതുള്ളാതെ ഒരെണ്ണമിങ്ങെടുക്കടീ… തല പൊട്ടിപ്പിളരുവാ…

ഈ തലവേദനയൊക്കെ ഞാനിപ്പ മാറ്റിത്തരാവേ…