രണ്ടു മിഴികൾ നിറഞ്ഞപ്പോൾ 3 [Garuda] 5745

എവിടെയോ സേവ് ചെയ്ത രണ്ടുപേരുടെയും ഫോട്ടോകൾ എടുത്തു എനിക്ക് കാണിച്ചു തന്നു. ഞാൻ ഫോൺ വാങ്ങി ഓരോന്നും എടുത്തു നോക്കി. അവൾ അന്ന് ഇത്രെയും തടിയില്ലായിരുന്നു. എന്തൊരു ഭംഗിയാണ് ഇവളെ കാണാൻ. രണ്ടു പേരും നല്ല മാച്ചിങ് ആയിരുന്നു.

“”ഈ ഫോട്ടോ കണ്ടോ ഇത് ഞാൻ ഇച്ചായന്റെ കൂടെ ആദ്യമായി പുറത്തു കറങ്ങാൻ പോയപ്പോൾ എടുത്തതാ “” എന്റെ ശരീരത്തിൽ മുട്ടി കൊണ്ടാണ് അവൾ അത് പറയുന്നത്. ഫോട്ടോ നോക്കുന്നതോടൊപ്പം എനിക്ക് അല്പം വിറയലും അനുഭവപ്പെട്ടു.

പിന്നെ താഴോട്ട് അവളുടെ ഫോട്ടോ മാത്രമായി. ഭംഗിയുള്ള ഫോട്ടോസ്. ഓരോന്നിനും ഓരോ കമെന്റുകൾ അവൾ പറഞ്ഞു തന്നു. പറഞ്ഞു പറഞ്ഞു അവൾ അത്രെയും അടുത്താണിരിക്കുന്നത്.

“”എന്ത് ഭംഗിയാണ് മാഡത്തിനെ കാണാൻ. എന്നിട്ടാണോ ഇപ്പോൾ മുടിയൊക്കെ ഇങ്ങനെ ഇട്ടിരിക്കുന്നെ “” അവളുടെ മുടിയിൽ നോക്കി ഞാൻ പറഞ്ഞു.

“”ഓഹ് ഇനിയിപ്പോൾ ആര് നോക്കാനാ “” എന്റെ അടുത്ത് നിന്നും മാറാതെ ഫോൺ വാങ്ങി അവൾ പറഞ്ഞു.

കുറച്ചു നേരം പിന്നെയും മൗനം. വെള്ളത്തിൽ കാലുകൾ തുഴഞ്ഞു കൊണ്ട് ആ മൗനത്തെ വെടിഞ്ഞു..

“”ഇപ്പോൾ ചേച്ചി എന്റെ നല്ല ഫ്രണ്ടല്ലേ. ഞാൻ ഒരു കാര്യം പറഞ്ഞാൽ അതുപോലെ ചെയ്യുമോ?””

“”എന്ത് കാര്യം. നീ പറ”” എന്റെ കണ്ണിലേക്കു നോക്കി അവൾ ചോദിച്ചു. ഒരു ഭയം ഞാൻ ആ കണ്ണുകളിൽ കണ്ടു..

“”ഈ ഫോട്ടോയിൽ കാണുന്ന പോലെ ഈ മുടികെട്ടി എനിക്ക് കാണിച്ചു തരുമോ?”” എന്റെ ഒരു ആഗ്രഹം ഞാൻ അവതരിപ്പിച്ചു.

“”ഹോ അതാണോ. അതിനെന്താ നീ വാ “” ഒരു നിശ്വാസത്തോടെ പുഞ്ചിരിച്ചു എന്റെ തോളിൽ പിടിച്ചെഴുനേറ്റ് അവൾ പറഞ്ഞു.