രണ്ടു മിഴികൾ നിറഞ്ഞപ്പോൾ 3 [Garuda] 5559

“”ടാ നീ കൊള്ളാമല്ലോ. സൂപ്പർ ആയിട്ടുണ്ട്. എത്രെയോ കാലത്തിനു ശേഷമാണ് ഞാൻ ഇങ്ങനെ വേഷം കെട്ടുന്നതെന്നറിയോ “”

“”ആ ഞാൻ പറഞ്ഞില്ലേ. ഇനി മുതൽ എല്ലാം മാറ്റണം. നല്ല കുട്ടിയായി സുന്ദരിയായി വേണം ഓഫീസിലും മറ്റും വരാൻ “”

“”അയ്യോ.. അത് വേണോടാ “” അൽപ്പം കൊഞ്ചി കൊണ്ടു അവളത് പറഞ്ഞു.

“”ഞാൻ ചേച്ചിയുടെ നല്ലൊരു friend ആണെങ്കിൽ മാത്രം കേട്ടാൽ മതി. അല്ലെങ്കിൽ വേണ്ട “”

“”Ok ഞാൻ ശ്രമിക്കാം.. പക്ഷെ ഇങ്ങനെയൊക്കെ ഇനി ചെയ്താൽ എല്ലാരും എന്ത് വിചാരിക്കും “” ഒരു ആലോചനയോടെ അവൾ പറഞ്ഞു.

“”ആരും ഒന്നും വിചാരിക്കില്ല.. ചേച്ചി.. നമ്മൾ ചിന്തിക്കുന്നതാണ് ജീവിതം. മറ്റുള്ളവർ എന്ത് കരുതുമെന്നു ചിന്തിച്ചു ജീവിച്ചാൽ അതോടെ ലൈഫ് ക്ലോസ്. ജീവിതത്തിൽ നമുക്ക് ആകെ കിട്ടുന്നത് കുറച്ചു കാലങ്ങളാണ്. അത് നമ്മൾ ആസ്വദിക്കണം. അല്ലെങ്കിൽ വെറും ഓഫീസും റൂമും മാത്രമായി ജീവിതം ഒതുങ്ങും. എത്രെയോ ആളുകൾ മറ്റുള്ളവർ എന്ത് വിചാരിക്കും എന്ന് കരുതി തന്റെ സ്വപ്നങ്ങളും കഴിവുകളും വേണ്ടെന്നു വെക്കുന്നു. അതുപോലെയാവരുത് “”

എന്റെ വാക്കുകൾ കേട്ടു അന്തം വിട്ടിരിക്കുകയാണ് ചേച്ചി.

“”നിന്നെ കിട്ടുന്ന പെണ്ണ് ഒരു ഭാഗ്യവതിയാണ് മോനെ.. എന്ത് ഭംഗിയായിട്ടാണ് നീ സംസാരിക്കുന്നതു. നിനക്ക് എന്തൊക്കെയോ പ്രത്യേകതകൾ ഉണ്ട്. നിന്നെ സ്വന്തമാക്കാൻ ഏത് പെണ്ണും ആഗ്രഹിക്കും. വെറുതെയല്ല അവളുമാർ വീണത്. കുറ്റം പറയാൻ പറ്റില്ല “”

“”അയ്യോ പുകഴ്ത്തിയത് മതി. ഞാൻ സീരിയസ് ആയി പറഞ്ഞതാ “”