രണ്ടു മിഴികൾ നിറഞ്ഞപ്പോൾ 3 [Garuda] 2490

“”എന്നിട്ട് ഞാൻ തന്നെയല്ലേ നിന്നോട് മിണ്ടിയത്…”

“”അപ്പോൾ ഞാൻ തെറ്റി നിൽക്കുമെന്ന് കരുതിയാണ് നീ വന്നതല്ലേ. എന്നോട് സ്നേഹമുണ്ടായിട്ടല്ല. നീ പൊയ്ക്കോ “” അവളുടെ ദേഹത്ത് നിന്നും കയ്യെടുത്തു ഞാൻ പറഞ്ഞു..

“”എടാ അങ്ങനെ പറയല്ലേ ഇഷ്ടമില്ലെങ്കിൽ പിന്നെ ഞാൻ വരുവോ.. അത്രെയും ഇഷ്ടമല്ലേ എനിക്ക് നിന്നെ “” അവളെന്റെ കയ്യെടുത്തു അവളുടെ ദേഹത്ത് വച്ചു.. ഞാൻ അത് മൈൻഡ് ചെയ്യാതെ വീണ്ടും കൈ മാറ്റി.

“”നീ പൊയ്ക്കോ. വേണ്ട നിനക്കെന്നോട് ഇഷ്ടമാണെന്നാണ് ഞാൻ കരുതിയത്. ഇപ്പോൾ മനസിലായി ഒന്നുമില്ലെന്ന് “” ഞാൻ കുറച്ചു വിട്ടുമാറികിടന്നു.

“” അങ്ങനെ പറയല്ലേ പ്ലീസ്‌. അത് കേൾക്കാൻ എനിക്ക് കഴിയില്ല.. നീ ഇപ്പോൾ അവളെ ഉമ്മ വച്ചില്ലേ. ഞാൻ എന്തെങ്കിലും നിന്നോട് പറഞ്ഞോ. എന്നിട്ടും നീയെന്താ മനസിലാകാതെ “”

“”ഒന്നും പറയണ്ട.. നീ പോ “” ഞാൻ അവളുടെ കൈ എടുത്തു മാറ്റി.

അവൾ വീണ്ടും എന്നെ കെട്ടിപ്പിടിക്കാൻ ശ്രമിച്ചു. ഞാൻ തടഞ്ഞു. ഒരു ബലം പിടുത്തതിനോടുവിൽ അവൾ എന്നെ കെട്ടിപിടിച്ചു. അവൾ ഒന്നും സംസാരിക്കുന്നില്ല. ഞാൻ തല ചെരിച്ചു കിടന്നു. അവൾ എന്റെ മുഖം അവളുടെ നേരെ പിടിച്ചു വെക്കാൻ ശ്രമിച്ചു. അവസാനം എന്റെ മുഖം അവളുടെ നേരെ പിടിച്ചു കൊണ്ടു എന്റെ ചുണ്ടുകളെ വിഴുങ്ങി.. അവൾ കരഞ്ഞെന്ന് എനിക്ക് മനസിലായി. എന്റെ ചുണ്ടുകളെ കടിച്ചു പിടിച്ചു അവൾ വിതുമ്പി. ആ കണ്ണുനീർ എന്റെ മുഖത്തു പതിച്ചു..

“”നിന്നെ ഇഷ്ടമില്ലെന്നു മാത്രം നീ പറയരുത്. നീ എന്നെ മറന്നാലും ഒരിക്കലും എന്റെ ഇഷ്ടത്തിനു ഒരു മാറ്റവും ഉണ്ടാവില്ല “” ചുണ്ട് കടിച്ചു പിടിച്ചു വിതുമ്പി കൊണ്ട് അവൾ പറഞ്ഞു. അവളുടെ കണ്ണുനീർ ഒഴുകാൻ തുടങ്ങി.