രതി ശലഭങ്ങൾ 21 [Sagar Kottappuram] 739

“ആഹ്…ഇവിടെ എവിടെയോ ഉണ്ടെന്നു പറഞ്ഞു “

ഞാൻ പറഞ്ഞുകൊണ്ട് വീടിന്റെ മുറ്റത്തേക്കിറങ്ങി..അതിനു മുൻപിലുള്ള കോൺക്രീറ്റ് റോഡിലേക്ക് ഇറങ്ങി നിന്നു . മഞ്ജു ഉമ്മറത്ത് തന്നെ നിന്നതേയുള്ളൂ. മാറിൽ കൈപിണച്ചുകൊണ്ട് മഞ്ജു എന്തോ ആലോചിക്കുന്നുണ്ട് .

അപ്പോഴേക്കും മിസ്സിന്റെ അടുത്തുള്ള വീട്ടിലെ ഒരു പ്രായമായ സ്ത്രീ എന്നെ കണ്ടെന്നോണം അടുത്തേക്ക് വന്നു . ഒരമ്പത് വയസു കഴിഞ്ഞ് കാണും അവർക്കു . സാരിയും ബ്ലൗസും ആണ് വേഷം . മുടി ഒകെ അല്പം നരച്ചിട്ടുണ്ട് .

“ഇതാരാ ടീച്ചറെ ?”

എന്നെ നോക്കി കൊണ്ട് അവർ ഉമ്മറത്ത് നിൽക്കുന്ന മഞ്ജുവിനോടായി തിരക്കി .

“അനിയനാ ചേച്ചി…എന്റെ കോളേജിൽ തന്നെ ഉള്ളതാ ..”

മഞ്ജു അവരോടായി പറഞ്ഞു .

“സ്വന്തം അനിയൻ ആണോ ?”

അവർ വീണ്ടും എന്നെ അടിമുടി നോക്കികൊണ്ട് സംശയത്തോടെ തിരക്കി.

അപ്പോഴേക്കും മഞ്ജു അങ്ങോട്ടേക്ക് നടന്നു വന്നു .

“അല്ല ചേച്ചി..എന്റെ വകയിൽ ഉള്ള ഒരു അമ്മാമന്റെ മോനാ .  കാലിനു നല്ല സുഖമില്ല…അതോണ്ട് കൊണ്ട് വിടാൻ വന്നതാ “

മഞ്ജു എന്നെ നോക്കി കണ്ണടച്ച് കാണിച്ചു കൊണ്ട് തട്ടി വിട്ടു .

ഞാൻ എല്ലാം സത്യം ആണെന്ന ഭാവത്തിൽ അവരെ നോക്കി ചിരിച്ചു.

“മ്മ്..ഇപ്പൊ എങ്ങനുണ്ട് ടീച്ചർക്ക് ..അയാള് പിന്നെ വന്നോ ?”

അവർ മഞ്ജുവിനോടായി തിരക്കി.

“ആഹ്..കുഴപ്പം ഒന്നൂല്യ …”

മഞ്ജു അവരോടായി പറഞ്ഞു .

“മ്മ്..എന്ന പോട്ടെ മോനെ, വരട്ടെ ടീച്ചറെ .”

ഞങ്ങൾ രണ്ടാളോടും പറഞ്ഞു അവർ തിരിഞ്ഞ് നടന്നു .

അവർ പോയ ഉടനെ ഞാൻ മഞ്ജുവിന് നേരെ തിരിഞ്ഞു.

“അനിയനോ ഏതു വകയില് ?”

ഞാൻ ദേഷ്യത്തിൽ മഞ്ജുവിനോട് തിരക്കി.