മഞ്ജു അവരുടെ നേരെ തിരിഞ്ഞുകൊണ്ട് ചോദിച്ചു..
“ഇതാരാ കൂടെ ..അനിയൻ ആണോ ?”
ആ ചേച്ചി എന്നെ നോക്കികൊണ്ട് തിരക്കി.
“ആഹ്…ആ ചെറിയ ബ്രദർ ആണ് “
മഞ്ജു എന്നെ നോക്കി കണ്ണടിച്ചു കാണിച്ചുകൊണ്ട് പറഞ്ഞു. ഞാൻ അതിഷ്ടപ്പെടാത്ത പോലെ അവളുടെ കയ്യിൽ അറിയാത്ത ഭാവത്തിൽ പിച്ചി.
“ആഹ്,,”
മഞ്ജു ഒന്ന് പിടഞ്ഞുകൊണ്ട് എന്നെ തുറിച്ചു നോക്കി. നിനക്ക് ഞാൻ വെച്ചിട്ടുണ്ട് എന്ന ഭാവത്തിൽ.
ആ ചേച്ചിക്ക് അതോടെ സമാധാനം ആയെന്നു തോന്നുന്നു .പിന്നെ ഒന്നും ചോദിച്ചില്ല. ഞങ്ങളെ കണ്ടാൽ അത്ര പ്രായ വ്യത്യാസം ഒന്നും തോന്നില്ലല്ലോ..പിന്നെന്താ ഇവർക്കൊക്കെ ഓരോ സംശയം.
പത്തിരുപതു മിനുട്ട് ഞങ്ങൾക്ക് അക്ഷമരായി കാത്തിരിക്കേണ്ടി വന്നു. അതിനു ശേഷമാണ് ഡോക്റ്ററെ കാണാൻ സാധിച്ചത് .
ഞങ്ങളുടെ ഊഴം ആയപ്പോൾ മഞ്ജുവിന് പിന്നാലെ ഞാനും അകത്തേക്ക് കയറാൻ ഭാവിച്ചു.
“വേണ്ട വേണ്ട..നീ വരണ്ട…അകത്തുള്ള ആള് എന്റെ അച്ഛന്റെ ഫ്രണ്ടാ..നീ അനിയൻ ആണെന്ന് പറഞ്ഞാൽ അങ്ങേരെന്റെ അച്ഛനെ തെറ്റിദ്ധരിക്കും “
മഞ്ജു ചിരിയോടെ പറഞ്ഞുകൊണ്ട് എന്നെ പുറത്തു നിർത്തികൊണ്ട് അകത്തേക്ക് കയറിപ്പോയി.
അഞ്ചു മിനുട്ട് കഴിഞ്ഞു അവൾ തിരിച്ചു വന്നു . ഞാനാ സമയം കൊണ്ട് തിരിച്ചു കാറിനടുത്ത് വന്നു നിൽപ്പുണ്ടായിരുന്നു .
“പോവാം “
മഞ്ജു കുണുങ്ങി കുണുങ്ങി നടന്നു വന്നുകൊണ്ട് എന്നോടായി പറഞ്ഞു.
“മ്മ്..”
ഞാൻ മൂളി..
മഞ്ജു ഫ്രണ്ട് ഡോർ തുറന്നു കാത്തിരി. അപ്പുറത്തെ വശത്തെ ഡോർ തുറന്നു ഞാനും കയറി.
“നിനക്കു ഡ്രൈവിംഗ് അറിയോ ?”
വകതിരിവ് ഇല്ലാത്തതുകൊണ്ടാണല്ലോ അവനിങ്ങനെ ആയതു…
വെച്ചോളും !!