“സുഹൃത്തുക്കളെ അങ്ങനെ ലവ് ബേർഡ്‌സ് സ്റ്റേജിലെത്തിയിരിക്കുകയാണ് ..അവർക്കുള്ള സ്നേഹോപഹാരം സമർപ്പിയ്ക്കാൻ നമ്മുടെ പ്രിയങ്കരനായ അജീഷ് സാറിനെ ഞാൻ വേദിയിലെക്ക് ക്ഷണിക്കുന്നു ..അജീഷ് സാർ പ്ലീസ് കം ”
സുരേഷ് സ്റ്റേജിൽ കയറി നിന്നു വീണ്ടും കസറി .
അതോടെ അജീഷ് സാറിനുള്ള ആർപ്പു വിളികൾ അവിടെ മുഴങ്ങി . പുള്ളി ഒരു തെളിഞ്ഞ ചിരിയോടെ എന്നെയും മഞ്ജുസിനെയും നോക്കികൊണ്ട് സ്റ്റേജിലേക്ക് കയറി . പിന്നെ അടുത്ത് വന്നു എന്റെ കൈപിടിച്ച് കുലുക്കി .
“എന്തൊക്കെ ഉണ്ട് കവിനെ..സുഖം അല്ലെ ?’
പുള്ളി വളരെ സ്വാഭാവികമായി എന്നോട് തിരക്കി .
“സുഖം ആണ് സാർ ”
ഞാൻ അതിനു പയ്യെ മറുപടി നൽകി .
“ആഹ്..ഇയാള് പറയാറുണ്ട് തന്റെ കാര്യം ഒക്കെ ..”
മഞ്ജുസിനെ നോക്കികൊണ്ട് അജീഷ് സാർ പറഞ്ഞു . പിന്നെ മഞ്ജുവിന്റെ അടുത്തേക്കായി നീങ്ങി .
“ആകെ നാണക്കേടായല്ലോ മാഷെ ..”
മഞ്ജുസ് ഒരു പരാതി പോലെ അജീഷ് സാറിനെ നോക്കി .
“സാരല്യ ടീച്ചറെ ..ഒകെ നമ്മുടെ പിള്ളേരല്ലേ ..”
പക്ഷെ പുള്ളി അതൊക്കെ നല്ല ജോളി ആയി എടുത്തു മഞ്ജുസിനെ ആശ്വസിപ്പിച്ചു .
“സുഹൃത്തുക്കളെ ഇനി നിങ്ങളോടു അജീഷ് സാർ രണ്ടു വാക്ക് സംസാരിക്കുന്നതാണ് ”
സുരേഷ് അത്രയും പറഞ്ഞു മൈക്ക് അജീഷ് സാറിനു കൈമാറി .
“പ്രിയപ്പെട്ട വിദ്യാർത്ഥികളെ ..എന്റെ പ്രിയപെട്ടവരെ..ഇങ്ങനെ ഒരു ചടങ്ങിൽ പങ്കെടുക്കാൻ കഴിഞ്ഞതിൽ എനിക്ക് വളരെ സന്തോഷം ഉണ്ട് . നിങ്ങളുടെ ജീവിതത്തിലെ തന്നെ ഏറ്റവും മനോഹരമായ നിമിഷങ്ങൾ പലതും നിങ്ങൾ ചിലവഴിച്ചിട്ടുള്ളത് ഈ കലാലയത്തിൽ ആയിരിക്കണം . അതിന്റെ ഓര്മ പുതുക്കാനായുള്ള ഈ കൂട്ടായ്മയിലേക്ക് എന്നെ ക്ഷണിച്ച എല്ലാവര്ക്കും എന്റെ നന്ദി…”
അജീഷ് സാർ ഔപചാരികമായി തന്നെ പറഞ്ഞു നിർത്തി. അതോടെ ഹാളിൽ കയ്യടികൾ മുഴങ്ങി .
“പിന്നെ നമ്മുടെ കവിനും മഞ്ജുവും ..അവരെ കുറിച്ച് ഞാൻ എന്ത് പറയാൻ ആണ് . ആത്മാർത്ഥ സ്നേഹത്തിന്റെ ജീവിച്ചിരിക്കുന്ന മുഖങ്ങളായേ എനിക്കവരെ കാണാൻ പറ്റുള്ളൂ . ..”
ഞങ്ങളെ സപ്പോർട്ട് ചെയ്തുകൊണ്ട് അജീഷ് സാർ സംസാരിച്ചതും ഹാളിൽ നിശബ്ദത തളംകെട്ടി.
“അതിലെ ശരിയും തെറ്റുമൊക്കെ നിശ്ചയിക്കാൻ ആർക്കും അർഹതയില്ല . പല സങ്കല്പങ്ങളും തകർത്തുകൊണ്ട് ഒന്നായ മഞ്ജുവിനെയും കവിനെയും കുറിച്ച് ഓർക്കുമ്പോൾ എനിക്ക് അഭിമാനം മാത്രമേ ഉള്ളു ..ചിലതൊക്കെ അവരിൽ നിന്നും നമ്മൾ കണ്ടുപഠിക്കേണ്ടതുണ്ട് …”
Ayyo rosamma vannille…..
Ente ponnu aliya athin rosaamma ee college il padichindarnoo
Uff
???