രതിശലഭങ്ങൾ ലവ് ആൻഡ് ലൈഫ് 4 [Sagar Kottapuram] 1263

അച്ഛന്റെ സ്വാധീനവും ഒകെ അറിഞ്ഞപ്പോൾ പെണ്ണുവീട്ടുകാർ പയ്യെ സമ്മതം മൂളി . കുടുംബത്തിൽ ഒരു ഹെവി ടീം ഉള്ളത് എല്ലാര്ക്കും നല്ലതാണല്ലോ .
മഞ്ജുസിന്റെ അച്ഛന് ആണെങ്കിൽ രാഷ്ട്രീയക്കാരോടും പോലീസുകാരോടും ഒക്കെ അടുപ്പമുണ്ട് .രാജീവേട്ടനും ദിലീപേട്ടനും കല്യാണം കഴിക്കാൻ വല്യ താല്പര്യം ഒന്നും കാണിക്കാത്തവർ ആയിരുന്നെങ്കിലും ഒരുവിധം അതങ്ങു നടന്നു . ഇപ്പൊ രണ്ടുപേരും ഹാപ്പി ആണ് . കല്യാണം കഴിഞ്ഞു ഒരു വര്ഷം ആയെങ്കിലും കുട്ടികൾ ഒകെ കുറച്ചും കൂടി ടൈം കഴിഞ്ഞിട്ട് മതി എന്നാണ് തീരുമാനം . വിവാഹ ജീവിതം സ്വല്പം ആസ്വദിച്ചിട്ടു മതി കുട്ടികൾ എന്ന നിലപാടിൽ ആണ് അവരും ഭാര്യമാരും ! അതിനിടക് സുകന്യ ചേച്ചിയും , പ്രിയ ചേച്ചിയും ഒരു ദുബായ് വിസിറ്റിംഗും നടത്തി .

വിസിറ്റിങ് വിസയുടെ കാലാവധി കഴിഞ്ഞു രണ്ടു പേരും നാട്ടിൽ തിരിച്ചെത്തിയിട്ട് ദിവസങ്ങളെ ആയിട്ടുള്ളു . ദുബായിലെ ഷോപ്പിംഗ് മാളിലും ബീച്ചിലുമൊക്കെ ഭർത്താക്കന്മാരോടൊപ്പം നിന്നുള്ള ഫോട്ടോസ് എഫ്.ബി യിലും വാട്സാപ്പിലും ഒകെ കുറെ കണ്ടിരുന്നു .

എന്തായാലും വല്ല്യമ്മയുടെ വീട്ടിൽ കൂടി കേറി . വല്യമ്മക്കു ഒരു സെറ്റ് സാരിയും , വല്യച്ചന് ഷർട്ടും കസവു മുണ്ടും , സുകന്യ ചേച്ചിക്കും പ്രിയക്കും ഓരോ ജോഡി സാരിയും ചുരിദാറും ആണ് മഞ്ജുസ് വാങ്ങിച്ചു വെച്ചിരുന്നത് .

അതും എടുത്തു പിടിച്ചു ആദിക്കൊപ്പം ഞാൻ വീട്ടിലേക്ക് കയറി . ഉമ്മറത്ത് ആരെയും കാണാഞ്ഞതുകൊണ്ട് കാളിങ് ബെൽ അടിച്ചു .

അൽപ സമയം കഴിഞ്ഞതും സുകന്യ ചേച്ചി ഡോർ തുറന്നു . എന്നെ കണ്ടതും അവളുടെ മുഖത്തൊരു ചിരി വിരിഞ്ഞു ..ഒപ്പം തെല്ലൊരു അത്ഭുതവും ..

“ആഹ്..ഹാ ..നീയോ …വാ വാ ..”
വാതില് മലർക്കെ തുറന്നുകൊണ്ട് സുകന്യ ചിരിച്ചു . ഒരു ഇളംപച്ച ചുരിദാറും കറുത്ത പാന്റും ആണ് അവളരുടെ വേഷം . വീട്ടിലായതുകൊണ്ട് ഷാൾ ഇട്ടിട്ടില്ല .

“ഡാ അപ്പൂസേ…”
പിന്നെ ആദിയെ നോക്കി കൈവീശി .

“വല്യച്ചനും വല്യമ്മയും ഒകെ എന്ത്യേ ചേച്ചി ?”
ഉമ്മറത്തേക്ക് കേറികൊണ്ട് ഞാൻ സംശയത്തോടെ തിരക്കി . അവിടെ രണ്ടുപേരും ഇല്ലെന്നു എനിക്ക് അപ്പഴേ തോന്നിയിരുന്നു .

“ആരാ ചേച്ചി അത് ?”
അപ്പോഴേക്കും പ്രിയേച്ചിയുടെ ചോദ്യം അകത്തുനിന്നും കേട്ടു .

“വന്നു നോക്ക് …”
സുകന്യ അതിനു ചിരിയോടെ മറുപടി പറഞ്ഞു എന്നെ നോക്കി .പിന്നെ ഞാൻ കയ്യിൽ പിടിച്ചിരുന്ന കവറിലേക്ക് ശ്രദ്ധിച്ചു .

“അമ്മേം അച്ഛനും കൂടി ഒരു റീസെപ്‌ഷനു പോയി…അല്ല ഇതെന്താടാ ..?”
എന്റൊപ്പം ഉമ്മറത്തേക്ക് കയറിയ ആദിയുടെ ഇരുകയ്യും പിടിച്ചു അവനെ അടുത്തേക്ക് അടുപ്പിച്ചുനിർത്തിക്കൊണ്ട് സുകന്യ എന്നോടായി ചോദിച്ചു

“ഇത് ചുമ്മാ..ഓണം ഒക്കെ അല്ലെ…വെച്ചോ …”
ഞാൻ ചിരിച്ചുകൊണ്ട് ആ കവറുകൾ സുകന്യേച്ചിക്ക് നൽകി . അപ്പോഴേക്കും പ്രിയയും അവിടേക്കെത്തി . ഒരു കറുത്ത നൈറ്റി ആണ് അവളുടെ വേഷം .

“ആഹാ ..കവി ആണോ ..”
എന്നെ കണ്ടതും പ്രിയേച്ചി ഒന്ന് ചിരിച്ചു .പിന്നെ സുകന്യയുടെ അടുത്ത് നിന്ന ആദിയെ നോക്കി കൈവീശി “ഹായ് ” പറഞ്ഞുകൊണ്ട് അവന്റെ അടുത്തേക്കായി കുനിഞ്ഞു ..

“ചേച്ചീനെ മറന്നോടാ ?”
പ്രിയേച്ചി അവന്റെ കവിളിൽ പയ്യെ മുത്തികൊണ്ട് ചിരിച്ചു .