രതിശലഭങ്ങൾ പറയാതിരുന്നത് 13 [Sagar Kottappuram] 1206

പിന്നെ മേക്കപ്പും ! ഞാൻ കുളിയൊക്കെ കഴിഞ്ഞു ഒരു വെള്ള ഷർട്ടും വെള്ള കസവ് മുണ്ടും ഉടുത്തു ബൈക്കിലിരുന്ന് മഞ്ജുസുമായി ചാറ്റ് ചെയ്തിരുന്നു . ഇടതു കയ്യിൽ മഞ്ജുസ് എപ്പോഴോ വാങ്ങിച്ചു തന്ന വാച്ചും കെട്ടിയിരുന്നു . ഇടക്കിടെ ഷോപ്പിംഗിനു പോകുമ്പോൾ അവളെനിക്കും ഓരോന്ന് വാങ്ങും . അത് ഇതിനിടക്ക് പറയാൻ വിട്ട ഒരു കാര്യം ആണ് ..

അവൾ അമ്പലത്തിൽ എത്തിയെന്നു പറഞ്ഞാണ് എനിക്ക് ആദ്യ മെസ്സേജ് അയച്ചത് .

“ഡാ…പൊട്ടാ ..
നീ എവിടെയാ ഇത് ..
ഞാനിവിടെ എത്തിയിട്ട് കുറെ നേരം ആയി..
കൂയ്…
റിപ്ലൈ താടാ പട്ടി..”
ഇത്രേം ആയിരുന്നു മഞ്ജുസിന്റെ സന്ദേശം ..പിന്നെ കുറെ ആംഗ്രി സ്മൈലികളും ! അത് റീഡ് ചെയ്തു നോക്കുമ്പോൾ തന്നെ എന്റെ ചുണ്ടിൽ പുഞ്ചിരി വിടർന്നു .

ഞാൻ അവൾക്കു മറുപടി അയക്കാനായി ടെക്സ്റ്റ് ചെയ്തു..

“ഇപ്പോ എത്തും മഞ്ജുസേ..
മൈ സിസ്റ്റെർ സ്റ്റിൽ അണ്ടർ മേക്ക്അപ് ..
ഒന്ന് വൈറ്റ് ചെയ്യേടോ മുത്തേ ..”

ഞാൻ മറുപടിയും അവളെ ചുംബിക്കുന്ന ഭാവത്തിലുള്ള മുദ്രകളും അയച്ചുകൊണ്ട് സ്വയം ചിരിച്ചു .

“മ്മ്..ഓക്കേ..ഓക്കേ ..
എളുപ്പം വാ ..
ബോറടിച്ചു ഒരു വിധം ആയി..”

മഞ്ജുസേ വീണ്ടും മെസ്സേജ് അയച്ചു .

“മ്മ്…
ബോറടി ആണേൽ അമ്പലത്തിനകത്തു കയറി നോക്കെടി
വായ് നോക്കാലോ “

ഞാൻ അവളെ ശുണ്ഠി പിടിപ്പിക്കാനായി പറഞ്ഞു .

“അയ്യടാ… നിന്റെ പണി ഒക്കെ
നീ വന്നിട്ട് ചെയ്ത മതി..
എന്നെ കൂട്ട് പിടിക്കേണ്ട…
അല്ലെങ്കി തന്നെ ഇവിടെ വയറു ചാടിയ കുറച്ച പോറ്റിമാരെ ഉള്ളു നോക്കാൻ ..”

മഞ്ജുസ് പറഞ്ഞുകൊണ്ട് ചിരിക്കുന്ന കുറെ സ്മൈലികൾ വാരി കോരി വിതറി . അവളുടെ റിപ്ലൈ കണ്ടു എനിക്കും ചിരി വന്നു ..

അങ്ങനെ ചാറ്റ് ചെയ്തു നിൽക്കെ ആണ് അഞ്ജു അമ്മയോടൊപ്പം ഇറങ്ങി വന്നത് .അവളെ അടിമുടി നോക്കികൊണ്ട് ഞാൻ സ്ഥിരം കലിപ്പിട്ടു.

“ഒന്ന് വേഗം വാടി , എത്ര നേരം ആയിത്”