ഈ പാർട്ട്‌ കുറച്ചു വൈകി എന്ന് അറിയാം. കമന്റ്‌ ൽ അതിനുള്ള കാരണം പറഞ്ഞിരുന്നു. ഹോസ്പിറ്റലിൽ ആയത് കൊണ്ടാണ് എഴുതാൻ ഇത്രയും സമയം എടുത്തത്. ഡെയിലി കമന്റ്‌ സെക്ഷൻ വന്നു എന്ന് വരും അടുത്ത പാർട്ട്‌ എന്ന് ആരെങ്കിലും ഒക്കെ ചോദിക്കുന്നത് കൊണ്ടാണ് ഇപ്പോൾ എങ്കിലും എഴുതി തീർക്കാൻ പറ്റിയത്. ഇവിടുത്തെ സപ്പോർട്ട് ആയിരുന്നു മോശം മാനസിക അവസ്ഥയിലും ഇതെഴുതാൻ എനിക്ക് പ്രചോദനം. So എല്ലാവരോടും നന്ദി പറയുന്നു. ഈ പാർട്ടും കുറച്ചു long ആണ്. അത് കൊണ്ട് വായിച്ച എല്ലാവരും അഭിപ്രായം പറയണേ എന്ന് ആഗ്രഹിക്കുന്നു…

സാത്യകി ❤️

റോക്കി part 1

നഗരത്തിലെ ഒരു പ്രമുഖ കോളേജിൽ രണ്ടാം വർഷത്തിൽ പഠിക്കാൻ വന്ന വിദ്യാർത്ഥി ആണ് അർജുൻ. കോളേജിൽ രാഹുൽ, ആഷിക്ക്, ശ്രുതി ഇങ്ങനെ കുറച്ചു സുഹൃത്തുക്കളെ അർജുന് ലഭിക്കുന്നു. കോളേജിൽ വച്ചാണ് തന്റെ പഴയ സുഹൃത്തായ രേണു അവിടെ പഠിപ്പിക്കുന്ന കാര്യം അർജുൻ അറിയുന്നത്. അർജുന്റെ ക്ലാസ്സിലെ അത്യാവശ്യം ജാഡ ഉള്ള കുട്ടിയാണ് കൃഷ്ണ. പ്രസിദ്ധമായ വസുദേവ ടെക്സ്ടൈൽസ് ന്റെ ഓണർ വസുദേവ് മേനോന്റെ ഇളയ മകളാണ് കൃഷ്ണ. കൃഷ്ണയുടെ ചേച്ചി ലക്ഷ്മി അതേ കോളേജിൽ തന്നെ പിജി ചെയ്യുന്നു. ലക്ഷ്മിയുടെയും കൃഷ്ണയുടെയും മൂത്ത ചേച്ചി പദ്മ ഒരു സിനിമ താരം ആണ്. കോളേജിൽ വച്ചു നടക്കുന്ന ഒരു അടിയിൽ അർജുൻ പോപ്പുലർ ആകുന്നു. നഗരത്തിനെ ഒരു കാലത്ത് വിറപ്പിച്ച കൈതേരി രഘുനാഥിന്റെ മകനാണ് അർജുൻ എന്ന് കോളേജ് മുഴുവൻ അറിഞ്ഞു. അവിടെ അർജുന് റോക്കി എന്നൊരു പേര് കൂടി വീണു. കോളേജിൽ അധികം ആരോടും സംസാരിക്കാതെ അന്തർമുഖിയായ ഒരു പെൺകുട്ടിയോട് അർജുന് താല്പര്യം തോന്നുന്നു. എന്നാൽ രാഹുൽ അടക്കം എല്ലാവരും അവളെ പറ്റി പറഞ്ഞതെല്ലാം മോശം കഥകൾ ആയിരുന്നു. കോണ്ടം എന്ന് വിളിപ്പേരുള്ള ഇഷാനി ആണ് അർജുന് താല്പര്യം തോന്നിയ പെൺകുട്ടി. അച്ഛനും അമ്മയുമില്ലാത്ത ഇഷാനിയെ അച്ഛന്റെ ചേട്ടന്റെ വീട്ടുകാർ ആണ് വളർത്തിയത്. ഇപ്പോൾ ഒറ്റയ്ക്ക് ടൗണിൽ വന്നാണ് അവൾ പഠിക്കുന്നത്. അവളോട് കമ്പിനി ആകാൻ അർജുൻ പലവഴി ശ്രമിച്ചെങ്കിലും ഒന്നും വർക്ക്‌ ആകുന്നില്ല. ഒടുവിൽ ഇഷാനിക്ക് എതിരെ വന്ന ഒരു മോഷണ ആരോപണം പൊളിക്കുന്നതിലൂടെ അർജുനും ഇഷാനിയും സുഹൃത്തുക്കൾ ആകുന്നു. ഒരു സമരത്തിനിടെ കൃഷ്ണയെ രക്ഷിക്കുന്നതിലൂടെ കൃഷ്ണയ്ക്കും അർജുനോട് ക്രഷ് തോന്നുന്നു. അർജുനോട് ഇഷാനി കാണിക്കുന്ന അടുപ്പം പലരിലും അസ്വാരസ്യം സൃഷ്ടിക്കുന്നു. കൃഷ്ണയുടെ ചേച്ചി ലക്ഷ്മി ഇഷാനിയെ ഉപദ്രവിച്ചു അവളുടെ നഗ്ന ചിത്രങ്ങൾ ഫോണിൽ എടുക്കുന്നു. ഇനി കോളേജിൽ വന്നാൽ അത് ലീക്ക് ആക്കുമെന്ന് ഇഷാനിയെ ഭീഷണിപ്പെടുത്തുന്നു. ലക്ഷ്മിയുടെ ഭീഷണിക്ക് മുന്നിൽ വഴങ്ങി കോളേജ് വിട്ടു പോകാൻ തുടങ്ങിയ ഇഷാനിയെ അർജുൻ പിന്തിരിപ്പിക്കുന്നു. ഈ കാര്യത്തിൽ താൻ സഹായിക്കാമെന്ന് അർജുൻ ഏൽക്കുന്നു