റോക്കി 4 [സാത്യകി] 1560

 

കുറെയൊക്കെ തപ്പി നടന്നിട്ട് അവൾ ലാസ്റ്റ് അവിടെ നിന്ന് എനിക്കൊരു ലോങ്ങ്‌ ഡ്രസ്സ്‌ വാങ്ങി. ഞാൻ സാധാരണ അതൊന്നും ഇടാറില്ല. അതവളോട് പറഞ്ഞെങ്കിലും അവൾ കേട്ടില്ല

 

‘ഒന്ന് ഇട്ട് നോക്ക്. നിനക്ക് ചേരും. അത്യാവശ്യം നല്ല സൈസ് ഉള്ളത് കൊണ്ട് ഇട്ടാൽ നല്ല എടുപ്പ് ആയിരിക്കും..’

അത് പറഞ്ഞു എന്നെ നിർബന്ധിച്ചു കൊണ്ട് അവൾ ട്രയൽ റൂമിൽ കയറ്റി. അവളും എന്റെയൊപ്പം കയറി.. അതിൽ എനിക്ക് ചെറിയൊരു ബുദ്ധിമുട്ട് തോന്നി. പിന്നെ ഓർത്തു അവളുടെ കടയല്ലേ, അവളോട് ആരെന്ത് ചോദിക്കാൻ.. സൊ ആ ഇഷ്യൂ ഇല്ല

 

ഞാൻ ഷർട്ട് ഊരി മാറ്റി ബനിയൻ ഇടാൻ നോക്കിയപ്പോൾ ആണ് അവൾ മുമ്പ് ചോദിക്കാൻ വച്ചിരുന്ന ചോദ്യം എന്നോട് ചോദിച്ചത്.

‘ഈ നെഞ്ചിലെ ‘അനാരാ’ ആരാണ്..?

 

നെഞ്ചിൽ പച്ച കുത്തിയ പേരിലേക്ക് നോക്കി ഞാൻ പറഞ്ഞു

‘അതൊരു ജിന്നാണ്..!

 

‘എന്നോട് പറയാൻ പറ്റാത്ത ആരെങ്കിലും ആണോ..?

അവൾ അല്പം നിരാശയോട് ചോദിച്ചു

 

‘ഒരിക്കലും അല്ല. പക്ഷേ പറയാൻ പ്രയാസം ഉള്ളോരാളാണ്..’

ഞാൻ ബനിയൻ ഇട്ട് കൊണ്ട് പറഞ്ഞു. ഒന്നാമത് എനിക്ക് മൂഡ് ശരിയല്ല. അപ്പോൾ എന്നെ കൊണ്ട് മുഷിപ്പിക്കുന്ന കഥ പറയിക്കണ്ട എന്ന് കരുതി അവൾ പിന്നെ അത് ചോദിച്ചില്ല

 

‘എന്റെ ഐഡിയ ഏറ്റില്ല അല്ലേ..?

അവൾ അല്പം സങ്കടത്തോടെ ചോദിച്ചു

 

‘എന്ത് ഐഡിയ..?

 

‘വെറുതെ.. ഷോപ്പിംഗ് ഒക്കെ കൊണ്ട് പോയി നിന്റെ മൂഡ് മാറ്റമെന്ന് കരുതി.. നടന്നില്ല.. എന്റെ ഓരോ പൊട്ട ബുദ്ധി..’

അവളുടെ കണ്ണിൽ ചെറിയൊരു നനവ് പടർന്നു. അവളെ കൊണ്ട് എന്റെ വിഷമം മാറ്റാൻ ആയില്ല എങ്കിൽ അത്രയുമേ അവൾക്ക് എന്നിൽ സ്വാധീനം ഉള്ളു എന്ന് അവൾ കരുതി

 

‘ആരു പറഞ്ഞു. ഞാൻ പഴയതിലും ഓക്കേ ആണ്.. ഇന്ന് കുറച്ചെങ്കിലും മടുപ്പ് ഇല്ലാഞ്ഞത് നിന്റെ കൂടെ വന്നപ്പോൾ ആണ്..’

ഞാൻ അവളുടെ മൂക്കിൽ വലിച്ചു കൊണ്ട് പറഞ്ഞു

കൃഷ്ണ ചിരിച്ചു കൊണ്ട് മെല്ലെ മുട്ട് കുത്തി താഴെ ഇരുന്നു എന്നെ നോക്കി ഒരു കള്ള ചിരി ചിരിച്ചു. എന്റെ ബെൽറ്റിൽ പിടിച്ചു കൊണ്ട് അവൾ സ്വകാര്യത്തിൽ ചോദിച്ചു..