റോക്കി 5 [സാത്യകി] 4578

അവൾ പറഞ്ഞു

‘അപ്പോൾ ഞാൻ ഇഷ എന്ന് വിളിക്കുന്ന കൊണ്ട് നിനക്ക് പ്രശ്നം ഒന്നും ഇല്ലല്ലോ..?

‘ഇല്ലടാ.. എനിക്ക് ഇഷ്ടമാ.. എന്നെ ഒത്തിരി ഇഷ്ടം ഉള്ളോരൊക്കെ അങ്ങനെ ആണ് വിളിക്കാറ്..’

അവൾ പറഞ്ഞു.. കെട്ടിപിടിച്ചു ഞങ്ങൾ പിന്നെയും കുറെ നേരം സംസാരിച്ചു. സംസാരം ഏറെ നീണ്ടു ഞങ്ങൾ ഉറങ്ങാൻ വൈകി. അതെ പോലെ തന്നെ ഉണരാനും..

തലേന്ന് ഇഷാനി പറഞ്ഞത് ഒക്കെ എന്റെ മനസിൽ ഉണ്ടായിരുന്നു. അത് കൊണ്ട് തന്നെ അവളോട് ഇടപഴകുമ്പോ കുറച്ചു കൂടി നിയന്ത്രണം വേണമെന്ന് എനിക്ക് തോന്നി. പച്ചക്കറി അറിയുന്നതിനിടയിൽ ഒന്ന് പിറകിലൂടെ വന്നു കവിളിലൊരു ഉമ്മ കൊടുത്തത് അല്ലാതെ വേറെ തൊടൽ ഒന്നും എന്റെ ഭാഗത്തു നിന്നും ഉണ്ടായില്ല. അവൾക്കും അത് കത്താൻ തുടങ്ങി.

‘പഴയ സ്നേഹം ഒന്നും ഇല്ലല്ലോ…’

ഒടുവിൽ അവൾ അത് വെട്ടിത്തുറന്നു പറഞ്ഞു

‘അതെന്ന ഇപ്പൊ അങ്ങനെ തോന്നാൻ…?

ഞാൻ സ്പീക്കറിൽ പാട്ട് മാറ്റി കൊണ്ട് ഇരിക്കുവായിരുന്നു

‘അല്ല. അല്ലെങ്കിൽ ഇപ്പൊ ഈ സമയം കൊണ്ട് എത്ര ഉമ്മ തരേണ്ടത് ആ.. ഞാൻ ഇന്നലെ അങ്ങനെ പറഞ്ഞത് കൊണ്ടാണ് എന്നറിയാം എന്നെ അവോയ്ഡ് ചെയ്യുന്നേ..’

‘ഞാൻ അവോയ്ഡ് ചെയ്തത് ആണെന്ന് നിനക്ക് തോന്നിയോ…? ഞാൻ ജസ്റ്റ് ഒന്ന് കണ്ട്രോൾ പിടിച്ചു നിന്നതാ..’

ഞാൻ പറഞ്ഞു

‘എന്നാൽ പിന്നെ നിനക്ക് ആദ്യമേ അങ്ങനെ ചെയ്തൂടാരുന്നോ..? ഇത്രേം ആയിട്ട് പെട്ടന്നൊരു ദിവസം എന്നെ മൈൻഡ് ചെയ്തില്ലേൽ എനിക്ക് വിഷമം വരില്ലേ..?

അവൾ ദേഷ്യത്തോടെ ശബ്ദം ഉയർത്തി ചോദിച്ചു