റോക്കി 5 [സാത്യകി] 4240

‘എനിക്ക് നിന്നെ വിശ്വാസം ആണ്. ഒറ്റ കാര്യം നീ പറഞ്ഞാൽ ഞാൻ പോവില്ല.. ഇപ്പൊ നടന്നത് ഒന്നും സത്യം അല്ല എന്ന് പറ.. ഞാൻ കേട്ടതും കണ്ടതും ഒന്നും നടന്നിട്ടില്ല എന്ന് പറ. ഞാൻ ഇവിടെ തന്നെ നിക്കാം..’

അവൾ എന്നെ തുറിച്ചു നോക്കി കൊണ്ട് പറഞ്ഞു.

‘നീ കണ്ടതും കേട്ടതും ഒക്കെ സത്യം ആണ്.. എന്റെ മിസ്റ്റേക്ക് ആണ്.. അല്ല എന്ന് ഞാൻ പറയില്ല. പക്ഷെ ഞാൻ ഇത് നിന്നോട് മനഃപൂർവം മറച്ചു വച്ചതല്ല.. ഞാൻ പലതവണ നിന്നോട് ഇത് പറയാൻ വന്നതാണ്.. നീ പക്ഷെ ഇത് പറയണ്ട പറയണ്ട എന്ന് വച്ചു നീട്ടി കൊണ്ട് പോയി. ഞാൻ ഉറപ്പായും ഇത് നിന്നോട് പറഞ്ഞേനെ..’

‘ശരി.. നീ എന്നെ ചീറ്റ് ചെയ്തില്ല. എല്ലാം എന്നോട് പറയാൻ ഇരുന്നതാണ്.. ഓക്കേ സമ്മതിച്ചു.. അവളെയോ..? അവളോട് നീ നമ്മളുടെ കാര്യം പറഞ്ഞോ..? അതോ അതും പറയാൻ വേറെ സമയം കണ്ടിട്ടുണ്ടോ..? അവളോട് അവളുടെ ചേച്ചിയെ പറ്റി നീ സംസാരിച്ചിട്ടുണ്ടൊ..? ലക്ഷ്മിക്ക് അറിയുമോ അവളുടെ കാര്യം..? എന്നെ നീ പറ്റിച്ചില്ല. പക്ഷെ അവരെ രണ്ടിനെയും…?

ഇഷാനി വളരെ ശക്തമായ ഒരു ചോദ്യം എനിക്ക് നേരെ എറിഞ്ഞു..

‘ഞാൻ ആരെയും പറ്റിക്കാനോ വിഷമിപ്പിക്കാനോ കരുതിയതല്ല..’

‘അങ്ങനെ നീ പറയരുത്.. നിനക്ക് അവളെ ആയിരുന്നു ഇഷ്ടം എങ്കിൽ എന്നെ നീ വച്ചോണ്ട് ഇരുന്നത് അവളോടുള്ള ചതിയാണ്..’

‘ഹേ.. അങ്ങനെ ഒന്നും പറയല്ലേ..’

അവളങ്ങനെ പറഞ്ഞപ്പോ എന്റെ ചങ്ക് പൊള്ളി

‘അപ്പോൾ അവളാണോ നിന്റെ സെറ്റപ്പ്.. എങ്ങനെ ആണെന്ന് അറിഞ്ഞാൽ കൊള്ളാം…’