റോക്കി 6 [സാത്യകി] [Climax] 2536

‘ഞാൻ കോളേജിൽ എത്താറായി. ബൈ..’
ദേഷ്യത്തിൽ അവൾ ഫോൺ കട്ട് ചെയ്തു. ശെടാ ഫസ്റ്റ് ദിവസം തന്നെ അടിയാണോ.. ഹേയ് ഇതവൾ ചുമ്മാ ദേഷ്യം കാണിക്കുന്നതാണ്.. ഞാൻ നേരെ കോളേജിലേക്ക് പിടിച്ചു. കോളേജിൽ ചെന്നിട്ടു വിളിച്ചിട്ടും അവൾ ഫോൺ എടുത്തില്ല. അവൾ ക്ലാസ്സിൽ ഉണ്ടാകും എന്ന് എനിക്ക് തോന്നി. ഞാൻ ക്ലാസ്സിലേക്ക് ചെന്നു.. ക്ലാസ്സിലേക്ക് കേറുന്നതിന് മുമ്പാണ് വരാന്തയിൽ കൃഷ്ണ നിൽക്കുന്നത് കണ്ടത്. എന്നേ കണ്ടതും ചിരിച്ചു കൊണ്ട് അവൾ അടുത്തേക്ക് വന്നു..

‘ഇന്നലെ എങ്ങോട്ട് മുങ്ങി.. കണ്ടില്ലല്ലോ പിന്നെ..’
അവൾ ചോദിച്ചു. കോളേജ് ഡേ ആയിട്ട് വൈകിട്ട് വരെ അടിച്ചു പൊളിക്കണം എന്നൊക്കെ ഞാൻ പറഞ്ഞിരുന്നു അവളോട്. പക്ഷെ ഞാൻ ഇടയ്ക്ക് വച്ചു ഇഷാനി ആയി മുങ്ങിയിരുന്നല്ലോ..

‘ഞാൻ ഉണ്ടായിരുന്നു ഇവിടെ.. നിന്നെ പിന്നെ കണ്ടില്ല..’

‘ഞാൻ നിന്നെ വിളിച്ചിരുന്നു..’
അവൾ പറഞ്ഞു

‘ഞാൻ അപ്പോൾ ശ്രദ്ധിച്ചില്ല.. പിന്നെ കുറെ കഴിഞ്ഞാണ് കണ്ടത്…’
ഞാൻ പറഞ്ഞു

‘കണ്ണൊക്കെ ചുമന്നു ഇരിക്കുന്നല്ലോ.. ഇന്നലെ വെള്ളമടി ഉണ്ടായിരുന്നല്ലേ…?
ഞാൻ മുങ്ങിയത് വെള്ളം അടിക്കാൻ ആണെന്ന് അവൾ കരുതി. അവൾക്ക് അറിയില്ലല്ലോ ഉറക്കം കിട്ടാതെ കണ്ണ് ചുവന്നു വന്നതാണെന്ന്..

‘കുറച്ചു…’
ഞാൻ ചുമ്മാ പറഞ്ഞു

‘എവിടെ പോയി കിടക്കുവായിരുന്നു……?
അപ്പോളാണ് പെട്ടന്ന് പിന്നിൽ നിന്ന് എന്റെ തോളിൽ ഒരു അടി വന്നു വീണത്. ഇഷാനി ഒരു ഗർവിച്ച മുഖത്തോടെ എന്റെ അരികിലേക്ക് നീങ്ങി നിന്നു. ഞങ്ങൾ രണ്ട് പേരും ചേർന്നു നിൽക്കുന്നത് കണ്ട് കൃഷ്ണയ്ക്ക് എന്തോ സംശയം തോന്നി..