റോക്കി 6 [സാത്യകി] [Climax] 2533

‘നീ ചുമ്മ ഓവർ തിങ്ക് ചെയ്യാതെ. ആരും കണ്ടിട്ടൊന്നുമില്ല.. നീ വല്ലതും കഴിച്ചോ…?
ഞാൻ ചോദിച്ചു

‘ഇല്ല..’

‘ഇത്രയും നേരം ആയില്ലേ..? കഴിക്ക് എന്തേലും..’
ഞാൻ പറഞ്ഞു

‘ഓ ഇനിയിപ്പോ അരി ഇടാൻ ഒന്നും മേല.. എന്തേലും താഴെ ഫ്രിഡ്ജിൽ ഉണ്ടോന്ന് നോക്കണേൽ ഓണറമ്മയെ എണീപ്പിക്കണം..’

‘ഇവിടെ വേറെ ഒന്നുമില്ലേ..?
ഞാൻ ചോദിച്ചു

‘മാഗി കാണും. പക്ഷെ എനിക്ക് വേണ്ടടാ. ഇന്നൊരു വിശപ്പില്ല..’
അവൾ പറഞ്ഞു

‘ഞാൻ ഉണ്ടാക്കും.. അത് അങ്ങ് കഴിച്ചാൽ മതി..’
ഞാൻ അടുക്കളയിൽ കയറി മാഗി ഉണ്ടാക്കാൻ തുടങ്ങി. അവൾ ഞാൻ ഉണ്ടാക്കുന്നത് നോക്കി അവിടെ നിന്നു. എനിക്ക് വിശപ്പ് ഇല്ലായിരുന്നു എങ്കിലും ഉണ്ടാക്കിയതിന്റെ പാതി അവൾ എന്നേ കൊണ്ട് തീറ്റിച്ചു. ബാക്കി പാതി ഞാൻ അവളെ കൊണ്ടു കഴിപ്പിച്ചു. കഴിച്ചു കഴിഞ്ഞു ഞങ്ങൾ രണ്ട് പേരും കട്ടിലിൽ ഇരുന്നു. അവൾ ഒരു കള്ളത്തരത്തോടെ എന്നേ നോക്കുന്നുണ്ട്..

‘നല്ല രസമുണ്ടായിരുന്നു അത് കാണാൻ കേട്ടോ…’
ഞാൻ പറഞ്ഞു

‘കണ്ടോ.. ഇതാ ഞാൻ പറഞ്ഞെ നീ എന്നേ കളിയാക്കുമെന്ന്..’
അവൾ ചിണുങ്ങി പറഞ്ഞു

‘ആരു കളിയാക്കി..? ഞാൻ നല്ലതാണ് എന്നല്ലേ പറഞ്ഞത്..’

‘അങ്ങനെ ഒന്നും പറയണ്ട..’

‘എന്തൊരു നാണം ആണ് നിനക്ക്..’

‘ആ എനിക്ക് കുറച്ചു നാണം കൂടുതൽ ആണ്..’
അവൾ പറഞ്ഞു

‘പക്ഷെ ചില സമയത്തു ഒട്ടുമില്ല.. ഇന്ന് ക്ലാസിൽ വച്ചു എന്തായിരുന്നു പെർഫോമൻസ്..’

‘അത് എനിക്ക് തന്നെ അറിയില്ല.. എനിക്ക് അപ്പോൾ എന്തോ ധൈര്യം എവിടുന്നോ വന്നു.. പിന്നെ അങ്ങനെ ഒക്കെ ചെയ്യുമ്പോ ഒരു ത്രില്ല് ഉണ്ടായിരുന്നു..’