റോക്കി 6 [സാത്യകി] [Climax] 2533

‘വീട്ടിൽ പോണുണ്ടോ..?
ഞാൻ തിരക്കി

‘ഓ അവിടുന്ന് ഇപ്പൊ പോന്നത് അല്ലേ ഉള്ളു.. ഞാൻ വിളിച്ചു പറഞ്ഞു പ്രൊജക്റ്റ്‌ കൂടെ കഴിഞ്ഞിട്ട് വരുന്നുള്ളു എന്ന്..’
അവൾ പറഞ്ഞു. എന്നെ വിട്ടു നിൽക്കാൻ അവൾക്ക് ബുദ്ധിമുട്ട് ഉണ്ട്. പക്ഷെ അവൾ അത് പറയാതെ ആണ് പറഞ്ഞത്

‘പ്രൊജക്റ്റ്‌ കഴിഞ്ഞും പോകണം എന്നില്ല. ഇവിടെ നിൽക്കാം…’
ഞാൻ പറഞ്ഞു

‘എന്നിട്ട് വേണം അവർക്ക് സംശയം തോന്നാൻ. ഒന്നാമത് നമ്മുടെ കാര്യം അറിഞ്ഞു കഴിഞ്ഞു. എനിക്ക് അതല്ല പേടി…’
ഇഷാനി എന്തോ ഓർത്തിട്ട് പേടിച്ചെന്ന പോലെ മുഖം വച്ചു

‘എന്താ..?
ഞാൻ ചോദിച്ചു

‘വീട്ടിൽ നിന്ന് ഓണർ അമ്മയെ വല്ലോം വിളിച്ചാൽ സീൻ ആകും. ഞാൻ നാട്ടിൽ പോകുവാ എക്സാം അവിടുന്ന് വന്നു എഴുതാൻ ആണെന്ന് ആണ് ഓണർ അമ്മയോട് പറഞ്ഞത്. വീട്ടിൽ നിന്ന് വിളിക്കുമ്പോ ഞാൻ അവിടെ ഇല്ലെന്നറിഞ്ഞാൽ പണി ആണ്.. എന്റെ കൃഷ്ണാ അങ്ങനെ ഒന്നും ഉണ്ടാകാതെ ഇരുന്നാൽ മതി..’
അവൾ ഭഗവാനെ വിളിച്ചു

‘അതൊന്നും ഉണ്ടാവില്ല.. ഉണ്ടായാലും എന്താ..? നമ്മുടെ കാര്യം ഇപ്പൊ അവർക്ക് എല്ലാം അറിയാമല്ലോ..?
ഞാൻ അവളോട് ചോദിച്ചു

‘എടാ ഇവിടുത്തെ പോലെ അല്ല ഞങ്ങളുടെ നാട്ടിൽ ഉള്ളവർ. ഇവിടെ നിന്റെ അച്ഛൻ എന്നെ വീട്ടിൽ കണ്ടപ്പോൾ റിയാക്റ്റ് ചെയ്തത് പോലെ ഞങ്ങളുടെ നാട്ടിൽ ആരും ചെയ്യില്ല. നമ്മളുടെ കല്യാണം നടത്തില്ല എന്ന് പറയുമെന്നല്ല, പക്ഷെ അവർക്ക് ഒന്നും ഇങ്ങനെ ഇഷ്ടം ആവില്ല.. എന്നെ അവരൊക്കെ വളർത്തിയത് ആ ഒരു രീതിക്ക് ആണ്..’
അവൾ പറഞ്ഞു

‘ഞാൻ നിന്നെ വഴി പിഴപ്പിച്ചോ…?
ഞാൻ അവളോട് ചോദിച്ചു