റോക്കി 6 [സാത്യകി] [Climax] 2533

വീടിന് വെളിയിൽ ഞങ്ങൾക്ക് കാവൽ നിൽക്കുന്ന ചേട്ടന്മാരോട് ഞാൻ മെഡിക്കൽ ഷോപ്പിൽ പോകുവാണ് എന്ന് കള്ളം പറഞ്ഞു. അവർ പോകാം എന്ന് പറഞ്ഞിട്ടും ഞാൻ അവരെ പറഞ്ഞു ഒഴിവാക്കി. ഞാൻ പോയത് ഫൈസിയുടെ അടുത്തേക്ക് ആയിരുന്നു. അവനെ വിളിച്ചു ഞാൻ ഒരു മീറ്റിംഗ് അറേഞ്ച് ചെയ്തിരുന്നു. എന്നേ പണ്ട് പാർക്കിംഗ് ഏരിയ ഇട്ട് സ്കെച്ച് ചെയ്ത ഒരു പഴയ സുഹൃത്തുമായുള്ള മീറ്റിംഗ്..

ഫൈസിയുടെ കണക്ഷനിലുള്ള ഇക്കമാർ വഴി പറങ്കി രാജേഷിനെ ഞങ്ങൾ കുറച്ചായി സ്കെച്ചിൽ ഇട്ടേക്കുവായിരുന്നു. ഇഷാനി നാട്ടിൽ പോയി കഴിഞ്ഞു അവനെ വിശദമായി ഒന്ന് കാണാൻ ഞാൻ തീരുമാനിച്ചതും ആയിരുന്നു. ഇനിയിപ്പോ നീട്ടി വയ്ക്കുന്നില്ല.. ആളെ ഇന്ന് തന്നെ കണ്ട് കളയാം എന്ന് ഞാൻ തീരുമാനിച്ചു. അവൻ ഒമ്പത് മണി ഒക്കെ ആകുമ്പോൾ ഒന്നുകിൽ ബാറിന് അടുത്തെവിടെ എങ്കിലും കാണും. അല്ലേൽ ഏതേലും പെണ്ണുങ്ങളുടെ അടുത്ത് ഊക്കാൻ പോകും.. ഇന്ന് ഊക്കാൻ പോകുന്ന സ്‌ഥലത്തു വച്ചാണ് ഞങ്ങൾക്ക് അവനെ കിട്ടിയത്. അധികം വീടുകൾ ഇല്ലാത്ത ഒരു ഏരിയ ആണ്. അത് കൊണ്ട് തന്നെ പണി നടത്തി പെട്ടന്ന് പോയാലും ആരും അറിയില്ല..

ആൾ കള്ളക്കുത്തിനായി അടുത്തുള്ള വീട്ടിലേക്ക് ഇരുട്ടത്ത് പതിയെ വരുവാണ്. ഞങ്ങൾ റോഡ് സൈഡിൽ ബൈക്കിൽ ചാരി സിഗർട്ട് ഒരെണ്ണം പുകച്ചോണ്ട് നിൽക്കുവായിരുന്നു.. ഉള്ളിൽ ഒരു കുതിപ്പ് കിട്ടാൻ ഒന്നു പുക വിടുന്നത് നല്ലതാ.. ഞങ്ങളെ ശ്രദ്ധിക്കാതെ അയാൾ കടന്നു പോകാൻ തുടങ്ങിയപ്പോൾ ഞാൻ അയാളെ പേര് വിളിച്ചു

‘രാജേഷേ…’

‘ആരാ…?
തീരെ പ്രതീക്ഷിക്കാത്ത സ്‌ഥലത്തു വച്ചു അറിയുന്ന ആരോ വിളിച്ചത് കൊണ്ട് അയാൾ ഒന്നു പരുങ്ങി. ഇരുട്ടിൽ നിക്കുന്ന കൊണ്ട് ഞങ്ങളുടെ മുഖം അയാൾക്ക് മനസിലായില്ല. ഫോണിലെ ടോർച് ഓണാക്കി അയാൾ ഞങ്ങളുടെ മുഖത്തേക്ക് അടിച്ചു