റോക്കി 6 [സാത്യകി] [Climax] 2533

ഇത് കണ്ട് ആദ്യം എന്നോട് സംസാരിച്ച ബുൾഗാൻ താടി ഷർട്ടിന് പിന്നിൽ നിന്നും കമ്പി വടി ഊരി എടുത്തു. അയാളുടെ മാത്രം അല്ല കൂടെ നിന്ന എല്ലാവരുടെ കയ്യിലും കമ്പികൾ പ്രത്യക്ഷപ്പെട്ടു.. ഞാൻ ഇവർക്കിടയിൽ പെട്ടു.. ആകെ ഉള്ള വഴി ഓടുകയാണ്.. ഇവർ എനിക്ക് വട്ടം നിൽക്കുന്ന കൊണ്ട് അതിനും സാധ്യത കുറവാണ്.. ഞാൻ ഇങ്ങനെ മനസ്സിൽ ഓരോന്ന് കണക്ക് കൂട്ടി വന്നപ്പോളേക്കും അവന്മാർ കമ്പി വീശി എന്റെ തൊട്ടടുത്തു എത്തിയിരുന്നു..

ബുൾഗാന്റെ ആദ്യ വീശിൽ നിന്ന് ഞാൻ ഈസി ആയി വെട്ടിയൊഴിഞ്ഞു.. പിന്നിൽ നിന്നും വന്ന രണ്ടാമത്തെ വീശലും എന്നെ തൊടാതെ പോയി.. മൂന്നാമത്തേത് കുറച്ചു കൂടി സ്ലോ ആയാണ് വന്നത് അതിൽ നിന്ന് ഒഴിഞ്ഞു എന്ന് മാത്രം അല്ല വായുവിൽ ഉയർന്നു നല്ലൊരു തൊഴി കൂടി ഞാൻ അവന്റെ താടിക്കിട്ട് കൊടുത്തു.. ആ ചവിട്ടിൽ കയ്യിലിരുന്ന കമ്പിയും അവനും പിന്നിലേക്ക് തെറിച്ചു വീഴുന്നതാണ് ഞാൻ കണ്ടത്..

എന്റെ ആ പ്രൊഫഷണൽ ചവിട്ടിൽ അവന്മാർ ആകെ മൊത്തത്തിൽ ഒന്ന് ഉലഞ്ഞു. പക്ഷെ അത് കൊണ്ടൊന്നും അവന്മാർ പിന്തിരിഞ്ഞില്ല.. ഹൈനകൾ സിംഹത്തെ ആക്രമിക്കുന്നത് പോലെ അവരെന്നെ വളഞ്ഞിട്ട് ആക്രമിച്ചു.. നല്ല വേഗതയും മെയ്വഴക്കവും ഉള്ളത് കൊണ്ട് ഞാൻ പിന്നെയും രക്ഷപെട്ടു.. നല്ല രണ്ട് പണി കൂടെ അവന്മാർക്കിട്ട് അതിനിടയിൽ കൈ മുട്ട് കൊണ്ട് കൊടുക്കാനും ഞാൻ മടിച്ചില്ല

പക്ഷെ ഇത്രയും പേർക്കെതിരെ പിടിച്ചു നിൽക്കാൻ അതൊന്നും പോരായിരുന്നു.. ഞാൻ പ്രതീക്ഷിച്ചത് പോലെ ആദ്യത്തെ അടി എനിക്ക് കിട്ടി. പിന്നിൽ നിന്നും വന്നു മുതുകിന് ആയിരുന്നു ആദ്യത്തെ പ്രഹരം കിട്ടിയത്. ഷോക്കടിച്ചത് പോലെയാണ് എനിക്ക് അപ്പോൾ തോന്നിയത്. വേദന അപ്പോൾ കാര്യമായി തോന്നിയില്ല.. അടുത്തത് ബുൾഗാൻ മൈരന്റെ വക ആയിരുന്നു.. അവൻ ആദ്യം വീശിയ വീശിൽ നിന്ന് ഞാൻ രക്ഷപെട്ടെങ്കിലും ആ വീശ് അത് പോലെ തിരിച്ചു വീശിയപ്പോൾ എനിക്ക് മാറാൻ കഴിഞ്ഞില്ല. എന്റെ നെറ്റിയിൽ ആണ് അത് വന്നു അടിച്ചത്.. ആദ്യത്തെ വീശലിന്റെ അത്രയും പവർ ഭാഗ്യത്തിന് അതിനില്ലായിരുന്നു.. എന്നാലും തലയ്ക്കു നല്ല വേദന എടുത്തു.. ഒരു നിമിഷം ഞാൻ ഒന്ന് ബ്ലാങ്ക് ആയി പോയി.. അപ്പോൾ കിട്ടി പുറത്തിനും കൈക്കും എല്ലാം ഓരോന്ന്…