റോക്കി 6 [സാത്യകി] [Climax] 2542

അവൾ തുടർന്നു
‘സെക്കന്റ്‌ ഇയർ ആയപ്പോൾ ആണ് നീ അൺ എക്സ്പക്ക്റ്റഡ് ആയിട്ട് എന്റെ മുന്നിൽ വന്നത്. നമ്മുടെ വരാന്തയിൽ വച്ചു.. എനിക്ക് ഫസ്റ്റ് കണ്ടപ്പോൾ തന്നെ മനസിലായി.. നിന്റെ ഹെയർ സ്റ്റൈൽ മാറി മുഖം മാറി.. ഒക്കെ ശരി തന്നെ. പക്ഷെ എനിക്ക് നിന്നെ മനസിലായി.. എന്റെ കിളി പോയി.. നിന്നെ കണ്ട് വാ പൊളിച്ചു ഞാൻ അവിടെ അലച്ചും തല്ലി വീണു.. അത് ഞാൻ നിന്നോട് പറഞ്ഞിട്ടില്ലേ….?
ഇഷാനി ചോദിച്ചു

‘ഉണ്ട്. അതാണ് ഫസ്റ്റ് കണ്ടെന്ന രീതിയിൽ ആണ് നീ എന്നോട് പറഞ്ഞത്…’

‘ആ അത് സെക്കന്റ്‌ ആയിരുന്നു.. പിന്നെ നിനക്ക് എന്നെ മനസിലായിട്ടില്ല എന്നെനിക്ക് നല്ലത് പോലെ അറിയാമായിരുന്നു. നീ സ്വന്തം ക്ലാസ്സിൽ ആണെന്ന് അറിഞ്ഞപ്പോ സന്തോഷിക്കണോ സങ്കടപ്പെടണോ എന്നറിയാത്ത അവസ്‌ഥ ആയിരുന്നു എന്റേത്.. നിന്നെ എപ്പോളും കാണാൻ പറ്റുന്ന സന്തോഷം.. പിന്നെ നീ എന്നെ പറ്റി അന്വേഷിച്ചാൽ കിട്ടുന്ന കഥകൾ ഓർത്തു ഉള്ള സങ്കടം.. അത് കൊണ്ട് തന്നെ ഞാൻ മാക്സിമം ഒഴിവായി നടന്നു…’

‘ഇത്രയും ഇഷ്ടം ഉണ്ടായിട്ട് ആണോടി ചെറ്റേ എന്നെ ഇങ്ങനെ വട്ടം ചുറ്റിച്ചത്….?
ഞാൻ അവളുടെ കവിളിൽ നുള്ളി

‘അതിപ്പോ എന്റെ സ്വഭാവം അങ്ങനെ ആയിപ്പോയി. കുറെ ട്രോമ, കുറെ കോംപ്ലക്സ്, കുറെ പേടി.. ഇതൊക്കെ ഉള്ള ഞാൻ നിന്നോട് തുറന്നു പറയണോ എനിക്ക് നിന്നെ പെരുത്ത ഇഷ്ടം ആണ് എന്നെ കല്യാണം കഴിക്കടാ എന്ന്….?

‘അങ്ങനെ പറഞ്ഞിരുന്നേൽ എന്ത് ഈസി ആയേനെ എല്ലാം…?
ഞാൻ ചിരിച്ചു

‘ഒരു കണക്കിന് ഇതല്ലേ നല്ലത്…? എല്ലാം ആദ്യമേ അറിഞ്ഞു പോയാൽ എന്ത് രസം ഉണ്ട്…?
ഇഷാനി പറഞ്ഞു