💝രുദ്രാമോക്ഷം🔥 [Snd] 312

തനിക്ക് മനസിലായത് പൂർണമായി പറയാതെ അദ്ദേഹം നിർത്തി

“അവന്റെ സങ്കടങ്ങൾ അവന് ദേഷ്യം മാത്രം നൽകുകയൊള്ളു “

“അവന്റെ ദേഷ്യത്തിന് മരുന്നായി അവൾ വരും . അവനിലെ രുദ്രനെ ദേവൻ ആകാൻ പ്രാപ്തി ഉള്ളവൾ ”

“ആരാ അത് ”

“അത് ആരായാലും . അവൾ താമസിയാതെ അവനിലേക്ക് എത്തും . അവന്റെ ലക്ഷ്യപൂർത്തികരണത്തിന് അവൾ വേണം . രുദ്രനെ ദേവൻ ആക്കുന്നവൾ ”

“ഇപ്പൊ അവന് പ്രേശ്നങ്ങൾ ഒന്നുമില്ലല്ലോ ”

“ഇപ്പൊ ഒന്നുമില്ല . പക്ഷെ രുദ്രന്റെ അസുരതാണ്ഡവം അതികം വൈകാതെ അവൻ തുടങ്ങും ”

“അവന്റെ രക്ഷക്ക് വേണ്ടി എന്തങ്കിലും പൂജകൾ ”

“ഒന്നും വേണ്ട . അവന്റെ രക്ഷക്ക് വേണ്ടി ലക്ഷകണക്കിന് ആളുകൾ പ്രാർത്ഥിക്കുന്നുണ്ട് . അവരുടെ സഹായവും അവന് ഉണ്ടാകും . പേടിക്കാതെ പോയി വരൂ”

അമ്മ അവിടന്ന് ഇറങ്ങി നേരെ വീട്ടിലേക്ക് പോയി

:::::::::::::::::::::::::::::::::::::::::::

പിറ്റേന്ന് രാവിലെ ഷാരോൺ രാവിലെ ജോഗിങ് കഴിഞ്ഞ് വന്ന് ഫോൺ എടുത്തപ്പോഴാണ് അവൻ ആ പത്ര കട്ടിങ് ഒരാൾ മെസ്സേജ് അയച്ചത് കണ്ടത്

അപ്പൊ തന്നെ അവൻ ആ നമ്പറിലേക്ക് വിളിച്ചു

“എടാ . നമ്മടെ ജോസഫ് അല്ലെ ”

“അതെ . അവൻ തന്ന . ഇന്നലെ അവൻ വീട്ടിൽ എത്തിയിട്ടില്ല . പിന്നെ അവൻ എവിടെ പോയി ”

“അറിയില്ല . ആരാ പരാതി കൊടുത്തേ ”

“അവന്റെ വീട്ക്കാരാ . ഇന്നലെ വീട്ടിലേക്ക് വരുമെന്ന് പറഞ്ഞു വിളിച്ചിരുന്നു . എത്താതെ ആയപ്പോ പേടിച്ചു വിളിച്ചിട്ട് കിട്ടിയതും ഇല്ല. അങ്ങനെ അവർ കൊടുത്തത ”

“അവനെ ആരെങ്കിലും പൊക്കിയതാണെങ്കിൽ എല്ലാം പുറത്ത് പോകില്ലേ”

“ആകും . ഇനി നമ്മൾ ഒന്ന് സൂക്ഷിക്കണം ”