സച്ചുവിന്റെ പണികൾ 3 [മാൻഡ്രേക്ക്] 1256

“എവിടെ ചേച്ചി പാമ്പ്?” ഞാൻ ചേച്ചിയോട് ഒന്നിനേം കാണാത്ത കൊണ്ട് ചോദിച്ചു..

“ദേ അവിടെ.. കിളച്ചപ്പോ പുല്ലിന്റെ കൂടെ ഉണ്ടായിരുന്നു ” ചേച്ചി തൂമ്പ കിടക്കുന്ന അവിടേക്കു കൈ കാണിച്ചു കൊണ്ട് പറഞ്ഞു.. ഞാൻ ഒരു ധൈര്യവാനെ പോലെ അഭിനയിച്ചു സകല ദൈവങ്ങളെയും മനസ്സിൽ വിളിച്ചു കൊണ്ട് പതിയെ ഓരോ അടി നോക്കി വച്ചു അങ്ങോട്ടു നടന്നു..

“സച്ചു.. പോകേണ്ട..” ചേച്ചിയുടെ വിറക്കുന്ന സ്വരം എന്നിലെ ഭയം കൂട്ടി.

“നിക്ക് ചേച്ചി.. നോക്കട്ടെ ” ഞാൻ വെറുതെ മസിലു പിടിച്ചു കടിപ്പിച്ചു പറഞ്ഞു.

അടുത്തേക് ചെല്ലും തോറും എനിക്ക് അതു ഒരു വാഴ തണ്ട് ഉണങ്ങി കിടക്കുന്ന പോലെ ആണ് തോന്നിയത്.. പക്ഷെ അടുത്തു എത്തിയപ്പോ ഏതോ വല്യ ഒരു പാമ്പിന്റെ തൊലി പൊഴിച്ചു ഇട്ടേക്കുന്നത് ആണെന്ന് മനസിലായി.. ചുറ്റും നോക്കി.. വേറെ ഒന്നുമില്ല.. ശ്വാസം നേരെ വീണു..

“ഹാ ഇതാണോ പാമ്പ്? ” ഞാൻ തൂമ്പയിൽ അതു പൊക്കി ചേച്ചിയെ കാണിച്ചു.. ചേച്ചിയുടെ മുഖത്തു ഇപ്പോളും ഭയം.

“പിന്നെ അതു എന്താ?” ചേച്ചിയുടെ നിഷ്കളങ്ക ചോദ്യം.

“ഇത് ഏതോ പാമ്പ് തൊലി ഉരിഞ്ഞു ഇട്ടേക്കുന്നതാ.. പേടിക്കണ്ട..” ഞാൻ ഒന്നും പറ്റാത്ത പോലെ പറഞ്ഞു.

“അപ്പോ അതു അടുത്തു എവിടേലും കാണില്ലേ?” ചേച്ചിക്കു കുറച്ചു ആശ്വാസം ആയതു പോലെ..ഭയം പൂർണമായി പോയിട്ടില്ല..എങ്കിലും ആ ചോദ്യം എനിക്ക് വീണ്ടും ഒരു ഭയം ഉളവാക്കി.. ചിലപ്പോ ചേച്ചി പറഞ്ഞത് പോലെ അതു ഇവിടെ എവിടെ എങ്കിലും ഉണ്ടെങ്കിൽ.. ഇന്നലെ രാത്രി മിന്നാമിന്നി ടോർച്ചും കൊണ്ട് ഇത് വഴി ആണ് ഞാൻ വന്നത്..