സന്ധ്യക്ക്‌ വിരിഞ്ഞ പൂവ് 307

ജിത്തു ഉത്സാഹത്തോടെ ഫ്രാൻസിയുടെ വീട്ടിലേക്കു പോയി . ഫ്രാൻസി അല്പം മടിയോടെ ആണ് വന്നത് . സുധ അവർക്കു ഗ്ലാസിൽ പായസം ഊറ്റി കൊടുത്തു . അപ്പോഴേക്കും അവൾ കുളിച്ചു പുതിയ നൈറ്റി ഇട്ടിരുന്നു . വെള്ളയിൽ നീല പൂക്കൾ ഉള്ള നൈറ്റി അവൾക്കു ചേരുന്നുണ്ടായിരുന്നു . ഫ്രാൻസിക്ക് അവളുടെ മുഖത്ത് നോക്കാൻ മടിയായിരുന്നു .പോകാൻ നേരം സുധ ഒരു പാത്രത്തിൽ പായസം കൊണ്ട് കൊടുത്തിട്ടു ചോദിച്ചു

” എങ്ങനുണ്ടായിരുന്നു പായസം ? ഫ്രാൻസിക്ക് അതോടെ ഉണ്ടായിരുന്ന പേടിയും സങ്കടവും ഒക്കെ മാറി . അവൻ പെട്ടന്നുള്ള സന്തോഷത്തിൽ അവളെ കെട്ടി പിടിച്ചു കവിളിൽ ഉമ്മ വെച്ചിട്ടു പറഞ്ഞു ” സുധാമ്മയെ പോലെ തന്നെ .. സ്വീറ് ” പണ്ടത്തെ അല്ല . ഇപ്പോഴത്തെ സുധാമ്മ ‘ ജിത്തു പൊട്ടിച്ചിരിച്ചു . സുധയും ചിരിച്ചു പോയി

രണ്ടു മൂന്നു ദിവസം കഴിഞ്ഞു പോയി . ഫ്രാൻസിക്ക് മാസാവസാന മീറ്റിങ്ങും ടാർഗറ്റും മൂലം ജിത്തുവിന്റെ അടുത്ത് പോകാൻ പറ്റിയില്ല .ഒരു ദിവസം രാത്രി ജിത്തു വീട്ടിൽ വന്നു പറഞ്ഞു

” ഡാ ഞാൻ നാളെ ഒരു കല്യാണത്തിന് വയനാട്ടിൽ പോകും . നീ വീട്ടിൽ പോയി കിടക്കണം കേട്ടോ “

ജിത്തു എന്തെങ്കിലും ആവശ്യത്തിന് പോകുമ്പോൾ ഫ്രാൻസി ആണ് കൂട്ട് കിടക്കാറ് . ആഹാരം കഴിച്ചിട്ട് ആണ് മിക്കവാറും പോക്ക് . എന്നാലും സുധ ടേബിളിൽ അവനുള്ള ഭക്ഷണം എടുത്തു വെച്ചിരിക്കും . വാതിൽ തുറന്നു കൊടുത്തിട്ടു സുധ പോയി കിടക്കും , രാവിലെ ഫ്രാൻസി ടേബിളിൽ വെച്ചിരിക്കുന്ന ചായ എടുത്തു കുടിച്ചിട്ട് പോരും , അത്ര തന്നെ . ഫ്രാൻസിയുടെ വീട്ടിൽ വല്യമ്മ ഉള്ളതിനാൽ മരിയക്ക് പേടി ഒന്നുമില്ല . സുധക്കും പേടി ഉണ്ടായിട്ടല്ല . ജിത്തുവിന്റെ സമാധാനത്തിനു ആണ്

ഫ്രാൻസി പറഞ്ഞു ‘ കിടന്നോളാമെടാ . പക്ഷെ ചിലപ്പോൾ വൈകിയേ വരൂ . മാസാവസാനം അല്ലെ ?

ജിത്തു ” അത് സാരമില്ല . ഇപ്പോളത്തെ സാഹചര്യത്തിൽ അമ്മക്ക് മിണ്ടാനും പറയാനും ആളുള്ളത് നല്ലതാ “

പിറ്റേന്ന് രാത്രി പത്തു മണിയോടെ വീട്ടിൽ വന്നു ഊണ് കഴിഞ്ഞു ജിത്തുവിന്റെ വീട്ടിലേക്കു തിരിച്ച ഫ്രാൻസിയോട് മരിയ പറഞ്ഞു

” നോക്കീം കണ്ടുമൊക്കെ നിന്നോണം . കുരുത്തക്കേടൊന്നും ചെയ്തേക്കരുത് . തലയിണയുടെ അടിയിൽ അരിവാൾ ഉണ്ടെന്നു ഓര്മ വേണം “